Nthi 28:5 - ÎVUKU RÎA ÛVORO MWARO

⁵ Andû arîa eki naaî matitaûkagîrwa nî kîvooto, nwatî arîa magoocaga Ngai-Mûnene nîmataûkagîrwa viû.

Nthi 28:5 Referencias Cruzadas

Thaburi 119:100

Nîrî na ûtaûku mwîngî gûkîra athuuri arîa akûrû, nîûndû nîmvingagia matuîro maku ma ciira.

Thaburi 119:98

Mawatho maku nîmatûmaga ngîe na ûûgî gûkîra nthû ciakwa, nîûndû mbîthagîrwa namo vîndî cionthe.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Nthi 15:24

Njîra ya andû arîa aûgî îmaviraga mwoyorî, nîguo maûrîre gûtonya kwa arîa akuû.

Nthi 2:9

Ûngîrûmîrîra ciugo ciakwa, nîûkaamenya maûndû ma ûthingu na ma kîvooto na waragania, nîûkaamenya ûndû wonthe ûrîa mwagîrîru.

Nthi 24:7

Mûndû mûritu ndataûkagîrwa nî ûûgî, ekaraga akirîte rîrîa maûndû ma vata makwarua.

Isaia 1:3

Ng'ombe nîimenyaga mwene cio, na mvunda nîimenyaga rwaga rwa mwathi wa cio; nwatî Aisiraeli matiîcî, andû akwa matitaûkagîrwa.”

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 6:9

Kwoguo nîwambîrire atîrî, “Thiî ûvirîre andû aya ndûmîrîri îno: ‘Mûkathikagîrîria, nwatî mûtigaataûkîrwa. Mûkaroragia, nwatî mûtikaamenya.’ ”

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Amosi 3:10

Ngai-Mûnene arauga atîrî, “Maigaga indo irîa maîîte na macunanîte na vinya nyombarî ciao. Kwoguo matimenyaga gwîka maûndû marîa magîrîru.

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.