Nthi 28:15 - ÎVUKU RÎA ÛVORO MWARO

¹⁵ Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Nthi 28:15 Referencias Cruzadas

2Atha 15:16

Vîndî îrîa Manahemu aarî njîrarî aumîte Tiriza, nîwacûkangirie îtûûra rîa Tapua, andû a kuo na îtûûra rîrîa rîrî vakuvî nîûndû andû a kûndû kûu nîmaaregire kwînenganîra kûrî ke. Wana nîwarutire aka onthe a îtûûra rîu nguo arîa maarî na mavu.

2Atha 2:24

Elisha nîwevûgûrire. Na rîrîa oonire tûvîcî tûu, nîwatûrumire na rîîtwa rîa Ngai-Mûnene. Ngatûnyi igîrî cia nga nîciaumire na kûu kîthakarî na ikîûraga tûvîcî mîrongo îna na twîrî gatagatî ga tûvîcî tûu.

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

Ntha 1:13

na andû a Misiri makîrutithia andû a Isiraeli wîra mûrito.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Nthi 17:12

Nîkava gûcemania na ngatûnyi ya nga îcuunîtwe twana twayo, kûrî gûcemania na mûndû kîrimû akiuruga ûrimû wake.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Nthi 20:2

Mûthamaki arî mûrakaru nîta mûnyambû ûkîrarama, mûndû ûrîa ûmûrakaragia ecaragîria gîkuû ke mwene.

Nthi 29:2

Rîrîa andû arîa athingu marathana, andû nî makenaga, nwatî rîrîa andû arîa aganu marathana, andû nîmacaaga.

Isaia 14:5

Ngai-Mûnene nîacûkangîtie wathani wa arîa aganu, nîaunangîte mûragi wao wa wathani,

Isaia 14:6

ûrîa maarivaga andû naguo marî na marakara matagûtigithîria, na kûmatha makîmanyariraga matarî na ntha.

Hosea 13:8

Nînîmûrûgîra ta Kîamthi gîcunîtwe twana twakîo, Nînîmûtarûranga ithûri cienyu ta mûnyambû na nîmûrîe vau vau. Nînîmûtarûranga inuku ta ûrîa nyamû ya kîthaka îkaga.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.