Nthi 28:1 - ÎVUKU RÎA ÛVORO MWARO

¹ Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Nthi 28:1 Referencias Cruzadas

1Atha 1:49

Vuva wa ûguo, ageni a Adonija nîmeguire guoya, magîûkîra na wa mûndû akîthiî njîra yake.

2Atha 7:15

Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

Nehemia 6:11

Nînaamûcokerie atîrî, “Mûndû tanie anga nwa aûre? Mûndû tanie nwa athiî kwîthitha hekarûrî atî nîguo avonokie mwoyo wake? Tî nthiî kuo.”

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Thaburi 112:7

Ke ndetigagîra kwîgua ûndû mûcûku; wîtîkio wake nî mwîkindîriu, na evokaga Ngai-Mûnene.

Thaburi 53:5

Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

Thaburi 53:6

Naarî kethîrwa ûvonokio wa andû a Isiraeli ûkaauma Zayuni, rîrîa Ngai agaatûma andû a Isiraeli magacîre. Njiarwa cia Jakovu nîigaakena, andû a Isiraeli nîmagaakûngûîra.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Nthi 10:9

Andû arîa marî mîthiîre mîkinyanîru methagîrwa marî agitîre, nwatî arîa matarî evokeku nîmakaamenyeka.

Nthi 27:27

Mbûri nîigaakûva îriia rîa gûkwîgana vamwe na nyomba yaku, na rîa ndungata ciaku cia aka.

Isaia 30:17

Andû ngiri îmwe nîmakaaûra nî mûndû ûmwe, na andû atano nîmagaatûma muonthe mûre. Nginya rîrîa mûgatigwa mwîkariî ta mûtî wa vendera ûrî kîrîmarî, ta rûûri rûrî îgûrû rîa karîma!

Isaia 7:2

Rîrîa mûthamaki wa Juda aamenyithirue atî, andû a Sîria nî manyitanîrîte na andû a Isiraeli, ke na andû ake onthe nîmaanyitirwe nî guoya nyîngî nginya makinaina ta ûrîa mîtî ya kîthakarî inainagua nî rûkûngi.

Jeremia 20:4

Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Ciîko 14:3

Nao Paûlo na Baranaba nîmeekarire kûu Ikonia îvinda îraca na makîvecana ûira wa Mwathani maûmîrîrîtie. Nake Mwathani nîwonanirie atî ndûmîrîri yao îgiî wega wake yarî ya ma. Ke eekire ûguo na njîra ya kûmava ûvoti wa kûringa ciama na kwonania morirû.

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.