Nthi 27:20 - ÎVUKU RÎA ÛVORO MWARO

²⁰ Kwa arîa akuû gûtiîcûraga, wana metho ma mûndû matiîganagia kwona.

Nthi 27:20 Referencias Cruzadas

Ayubu 26:6

Kwa arîa akuû kwîthîrîtwe kûrî njaga mbere ya Ngai, îrima rîrîa rîtarî mûthiia rîtirî na kîndû gîa kûrîkunîkîra.

Nthi 15:11

Ethîrwa Ngai-Mûnene nîonaga ûrîa kwa arîa akuû gwîkariî, na ma nîonaga ûrîa ngoro cia andû ciîkariî.

Nthi 23:5

Ûtonga ûthiraga ta kûminjia na kûminjûkia, takwa wagîa na mathagu wa rîmwe ûkînagûrûka ta nderi.

Nthi 27:19

Mûndû angîcûthîrîria manjîrî onaga ûthiû wake, na meciria ma mûndû monanagia ûrîa ekariî.

Mûvunjia 1:8

Maûndû monthe matûmaga mûndû anoge, ûnogu mûndû atangîvota gûtaarîria. Ritho rîtiîganagia kwona, na matû matiîganagia kwîgua.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 6:7

Mawîra monthe marîa andû marutaga, marutaga nîûndû wa kûvûta, nwatî ngumba ya irio ndîthiraga.

Isaia 5:14

Kwoguo kwa arîa akuû nîkûmetererete na vinya, kwathamîtie kanyua ga kuo nginya mûthiia. Atongoria na andû arîa engî a Jerusalemu matonyaga kuo marî ikundi, wa vamwe na andû eengî arîa magûkenagîrîra.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Habakuku 2:5

Ûtonga nîûtûmaga mûndû aveenanie; andû arîa etîi mativurûkaga, mekariî ta gîkuû kîo kîene, matiîganagîra. Kîu nîkîo gîtûmaga eyûnganîria ndûrîrî cionthe, na agacokanîrîria andû onthe matuîke ake.

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.

1Joh 2:16

Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.