Nthi 27:18 - ÎVUKU RÎA ÛVORO MWARO

¹⁸ Mûndû ûrîa ûmenyagîrîra mûtî wa mûkûyû nîarîcaga matunda ma guo, nake mûndû ûrîa ûgitagîra mwathi wake nîakaavewa gîtîîo.

Nthi 27:18 Referencias Cruzadas

2Atha 18:31

Mûtikathikîrîrie Hezekia, nîûndû mûthamaki wa Asîria augîte atî, mwîgucane nake na mwînenganîre kûrî ke. Mue muonthe nîmûgaacoka mûrîcage thavibu kuuma mîthaviburî yenyu, na ngûû kuuma mîkûyûrî yenyu, na mûnyunyage manjî kuuma ithimarî cienyu,

2Atha 3:11

Mûthamaki Jehoshafati nîwaûririe atîrî, “Nîkwa gûtarî na mûrathi ava, ûrîa ûngîaria na Ngai-Mûnene vandûrî vetû?” Mûndû ûmwe wa ndungata cia mûthamaki wa Isiraeli nîwaugire atîrî, “Elisha mûvîcî wa Shafati arî ava. Nîke watuîkire mûrathi vuva wa Elija.”

2Atha 5:25

Gehazi nîwatonyire nyomba rîngî na Elisha akîmûria atîrî, “Gehazi, wauma kû?” Nake Gehazi nîwamûcokerie atîrî, “Mwathi wakwa, nie ndungata yaku, gûtirî kûndû nîrathiîte.”

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

Esita 6:11

Kwoguo Hamani nîwocire nguo icio na mbarathi îo na akîthiî agîciîkîra Moridekai. Moridekai nîwatûîre mbarathi îo na Hamani akîmûtongoreria makîthiûrûrûka îtûûrarî rîu akiugagîrîria kûrî andû atîrî, “Ûguo nîguo mûthamaki ekaga mûndû ûrîa endaga kûva gîtîîo.”

Thaburi 123:2

Taroria, wata ûrîa ndungata ciîvokete mwathi wacio, wata ûrîa ndungata ya mûndûmûka îîvokaga mwathi wayo wa mûndûmûka, nwaguo wanatue twîvokaga Ngai-Mûnene, Ngai wetû, nginya rîrîa agaatwîguîra ntha.

Ntha 24:13

Kwoguo Musa na Joshua ûrîa wamûtethagîrîria nîmeevarîrie, na Musa akiunûkia kîrîmarî kîu kîtheru.

Nthi 17:2

Ndungata îrîa mbûgî nîkaatha mwana wa mwathi wayo ûrîa wîkaga maûndû ma gîconoko, na nîkaagaa kîndû ta ûmwe wa ciana cia mwathi wake.

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Nthi 27:17

Mûndû aûvîgagua nî mûndû ûrîa wîngî, ta ûrîa cuuma înooraga îrîa îngî.

Nthi 27:19

Mûndû angîcûthîrîria manjîrî onaga ûthiû wake, na meciria ma mûndû monanagia ûrîa ekariî.

Rwîmbo rwa Nyîmbo 8:12

Mûgûnda wakwa wa mîthavibu nî wakwa nie mwene; we Solomoni oca sîlûva ngiri îmwe (1,000), nao arîmi moce sîlûva magana maîrî (200).

Isaia 36:16

Mûthamaki wa Asîria arauga mûtikathikîrîrie Hezekia; gîani na thayû nanie na mûke kûrî nie, na wa mûndû wa mûndû akaarîcaga matunda ma mûthavibu wake ke mwene, na ma mûkûyû wake ke mwene, na wa mûndû anyunyage manjî kuuma kîrikorî gîake ke mwene,

Mathaayo 24:25

Tathikîrîriani! Nie namwîra maûndû mama mbere ya mekîke.

Mathaayo 24:46

Rîrîa mwathi wayo agaaûka na ethîre ndungata îo îgîîka ûguo, nîkaarathimwa.

Maariko 10:43

nwatî ûguo tîguo gûkwîthîrwa gwîkariî gatagatîrî kenyu. Mûndû wa wonthe ûngîenda gûtuîka mûnene gatagatîrî kenyu, nwa nginya atuîke ndungata ya arîa engî onthe.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Luka 19:17

Nake mûnene ûcio nîwamwîrire atîrî, ‘Nîwaro ndungata yakwa mbaro! We ûrî mwîvokeku na kaûndû kanini, rîu ûkaathanaga matûûrarî îkûmi.’

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

Ciîko 10:7

Rîrîa mûraika ûcio warîrie Korinelio athiîre, Korinelio nîwetire ndungata ciake ciîrî na mûthigari ûmwe wetîkîtie Ngai mûno. Aametire kuuma gatagatîrî ka andû arîa maamûtungatagîra.

1Akor 3:8

Vatirî ngûrani gatagatî ka mûndû ûrîa ûvandaga na ûrîa wîtagîrîria manjî, na Ngai akaarîva mûndû mûcara kûringana na wîra ûrîa ke mwene arutîte.

1Akor 9:13

Na ma mue nîmwicî atî arîa marutaga wîra hekarûrî marîcaga kîrîa kiumanîte na hekarû nao arîa marutaga magongoona metharî ya kîgongoona, marîcaga kîrîa kiumanîte na magongoona mau?

1Akor 9:7

Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?

Akol 3:22

Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.

2Tim 2:6

Mûrîmi ûrîa ûrutaga wîra na kîîo nîke wagîrîrwe kûrîa maciaro ma mbere ma mûgûnda.

1Pet 2:18

Mue ndungata nwanginya mwathîkagîre anene enyu na mûmavecage gîtîîo kîrîa kîmagîrîrîte. Mûtikathîkagîre wa arîa tu marî ntha na avoreri, nwatî athîkagîrani wana arîa mamûvinyagîrîria.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.