Nthi 26:27 - ÎVUKU RÎA ÛVORO MWARO

²⁷ Mûndû ûrîa wînjagîra ûrîa wîngî îrima nîke ûgûcaga kuo, na mûndû ûrîa ûvingiritagia îthiga nîke ûtombooragwa nîrîo.

Nthi 26:27 Referencias Cruzadas

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Thaburi 10:2

Andû arîa aganu metîîaga na makanyarira andû arîa athîni, marogwatwa nî mîvango yao mîcûku îrîa mavangîte.

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Thaburi 9:15

Andû a ndûrîrî nî magwîte îrimarî rîrîa meenjire, nî manyitîtwe nî mûtego ûrîa maategire o ene.

Nthi 28:10

Mûndû ûrîa ûveenagîrîria mûndû mwîvokeku nîguo eke naaî, agûcaga mûtegorî wake ke mwene, nwatî mûndû ûrîa ûtarî na mavîtia nîakagaa maûndû maro.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Mûvunjia 10:8

Mûndû ûrîa wînjaga îrima nîke ûgwîcaga kuo, na mûndû ûrîa womomoraga rûthingo arûmagwa nî njoka.

Isaia 3:11

Nwatî kaî andû arîa aganu marî na thîna-î, Nîûndû maûndû marîa mekîte andû arîa engî nwamo mageekwa.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.