Nthi 25:25 - ÎVUKU RÎA ÛVORO MWARO

²⁵ Wîguîte ûvoro mûgeni kuuma vûrûri wa kûraca, nîta kûnyua manjî ma mvevo ûrî mûnyondu ûkang'arûka.

Nthi 25:25 Referencias Cruzadas

Kîam 45:27

Nwatî rîrîa maamûvere ûvoro wonthe ûrîa Josefu aamerîte, na ona ikaari cia mbarathi irîa Josefu aatûmîte cia kûmûkuua, Jakovu nîwegwire agîa na vinya ngoro.

2Sam 23:15

Daudi nîwacokire akîgua anyonda mûno na akiuga atîrî, “Narî kethîra nwa mone mûndû ûngîmindîra manjî ma kûnyua kuuma kîthimarî kîrîa kîrî vakuvî na kîvingo Kîam Bethilehemu!”

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Ntha 17:6

Nîngaarûngama mbere yenyu îgûrû rîa îthiga kîrîmarî gîa Sinai. Thiî ûkaaringa îthiga rîu na mûragi waku na nîrîkaauma manjî ma kûnyuwa nî andû.” Ûguo nîguo Musa eekire akîonagwa nî atongoria onthe a Isiraeli.

Nthi 15:30

Ûthiû mûkenu nîûtûmaga ngoro îcanjamûke, nayo ndûmîrîri mbaro nîîtûmaga mûndû egue waro.

Nthi 25:26

Mûndû mûthingu ûrîa ûrûmagîrîra mûndû mwaganu, ekariî ta îtherûkîro rîa manjî rîrî riunjuge kana kîthima kîrî na gîko.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Jeremia 18:14

Kûrî vîndî mbaravu îthiraga tûcûmbîrî twa irîma cia Lebanon? Tûrûnjî tûrî na manjî makiru mvevo kuuma kuo nîtûvûcaga?

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

Aroma 10:15

Nao andû mangîvunjia atîa matarî atûme. Mandîko Matheru maugîte atîrî, “Na kaî andû arîa mathiîcaga kûvunjia ûvoro Mwaro nî aro-î!”

1Tim 1:15

Ûvoro ûyû nî wa ma na nîwagîrîrwe nî gwîtîkîrwa nî andû onthe, atî Jesû Kristû aaûkire gûkû nthî kûvonokia evia. Nie nîrî mwîvia mûcûku mûno gatagatîrî kao.

Josh 22:33

Andû a Isiraeli nîmaakenire na magîkumia Ngai nîûndû wa ûguo gwekîkire. Nao matianacoka kwaria ûvoro wîgiî kûrûa na andû a mûvîrîga ya Reubeni na Gadi na gûcûkangia vûrûri ûrîa maatûûraga.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.