Nthi 24:28 - ÎVUKU RÎA ÛVORO MWARO

²⁸ Ndûgatuîke mûira wa mûndû wîngî vatarî na gîtûmi kîganu, na ndûkaveenanie.

Nthi 24:28 Referencias Cruzadas

Ayubu 2:3

Ngai-Mûnene nîwaûririe Caitani atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mwîvoke ta Ayubu. Nîanîtigîrîte na nîethemaga maûndû macûku. We nîwaningîrîrie ngwîtîkîrie ûmûtharîkîre gûtarî na ûndû mûcûku ekîte, nwatî Ayubu atûûrîte arî mwîvokeku.”

Thaburi 35:11

Andû arîa acûku nîmarutaga ûira wa maveeni, mambûragia maûndû marîa nie ndaicî.

Thaburi 35:7

Nîûndû mambigagîra mîtego gûtarî gîtûmi, maamînjîre îrima îraca nîguo manyitithie.

Thaburi 52:1

We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

Ntha 20:16

“Ndûkarie ûira wa maveeni îgûrû rîgiî mûndû ûrîa wîngî.

Ntha 23:1

“Ndûkanatambie ndeto itarî cia ma, na ndûkanavecane wira wa maveeni nîguo ûtethie mûndû mwaganu.

Nthi 14:5

Mûira mwîvokeku vîndî cionthe aragîa ûvoro wa ma, nwatî mûira ûtarî mwîvokeku aragia maveeni matheri.

Nthi 19:5

Mûndû ûrîa ûrutaga ûira wa maveeni nîakaaverithua, na mûndû ûrîa waragia maveeni ndakaarekererua.

Nthi 19:9

Mûndû ûrîa ûrutaga ûira wa maveeni nîakaaverithua, nake ûrîa ûveenanagia nîakaathirua.

Nthi 21:28

Ûira wa mûndû wa maveeni ndûthikagîrîrua, nwatî ciugo cia mûndû ûrî matû nîithikagîrîrua.

Nthi 25:18

Mûndû ûrîa ûrutaga ûira wa maveeni îgûrû rîgiî mûndû ûrîa wîngî, ekariî ta njokoma ya mbaara, kana rûviû, kana mûguî mûûgî.

Nthi 26:19

nîta mûndû wa ngoma akîthaka na mwaki kana mîguî îrî na ûvai.

Alawi 19:11

“Mûtikanaîe kana mûveenia mûndû ûrîa wîngî.

Alawi 6:2

“Mûndû wa wonthe angîvîtîria Ngai-Mûnene na njîra ya kûveenia mûndû ûrîa wîngî na arege kûmûcokeria kîndû kîrîa amwigîrîte, kana kîndû kîrîa amûnengerete nîguo kîrûngamîrîre ûndû, kana aîe kîndû na vinya, kana avinyîrîrie mûndû ûrîa wîngî,

Alawi 6:3

kana oce kîndû kîrîa kîraûrîte na evîte atî ke tî mûkîonu, na arute ûira wa maveeni îgûrû rîgiî ûndû wa wonthe wa maûndû marîa andû mekaga makevia,

Mathaayo 27:23

Pilato nîwamaûririe atîrî, “Nî ûndû ûrîkû mûcûku ekîte?” Nao nîmaakîrîrîrie kugîrîria atîrî, “Mwambe mûtharavarî îgûrû!”

Johana 15:25

Naguo ûndû ûyû wekîkire nîguo ciugo ivinge irîa ciandîkîtwe wathorî wao atî: ‘Maamenire gûtarî na gîtûmi.’

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Akol 3:9

Tigagani kûveenania, nîûndû nîmweyaûrire ûmûndû wenyu ûrîa mûkûrû wa vamwe na mîtugo yaguo

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.