Nthi 24:21 - ÎVUKU RÎA ÛVORO MWARO

²¹ Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.

Nthi 24:21 Referencias Cruzadas

2Sam 18:8

Mbaara nîyatambire vûrûrirî wonthe na andû eengî nîmaakuîrîre mûtitûrî makîria ya arîa maaûragîrwe mbaararî.

1Atha 1:49

Vuva wa ûguo, ageni a Adonija nîmeguire guoya, magîûkîra na wa mûndû akîthiî njîra yake.

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

Ntha 14:31

Vîndî îrîa andû a Isiraeli moonire vinya mûnene ûrîa Ngai-Mûnene aavootire andû a Misiri naguo, nîmeetigîre Ngai-Mûnene, makîmwîtîkia na magîtîkia ndungata yake Musa.

Nthi 17:11

Mûndû mwaganu endaga tu wa kûregana na Ngai, nake mûndû ta ûcio atûmagîrwa mûnjaama mwaganu akamûverithie.

Nthi 23:17

Ndûkeguîre andû evia wîru, nwatî ûtûûre wîtigîrîte Ngai-Mûnene vîndî cionthe.

Mathaayo 22:21

Nao nîmaamûcokerie atîrî, “Nî cia mûthamaki wa Roma.” Nake Jesû nîwamerire atîrî, “Rutagîrani mûthamaki wa Roma kîrîa kîthagîrwa gî gîake na mûrutagîre Ngai kîrîa kîthagîrwa gî gîake.”

Tito 3:1

Ririkania akristiano kwînyivia mbere ya anene na athani. Magîrîrwe nî kûmathîkagîra na kwîthagîrwa mevarîrîtie gwîka ciîko mbaro.

1Sam 24:6

Nake nîwerire andû ake atîrî, “Ngai-Mûnene arongiria nîguo ndigeeka mwathi wakwa ûndû mûcûku, nîûndû nî Ngai-Mûnene ûmûthuurîte atuîke mûthamaki! Ndiagîrîrwe nî kûmwîka ûndû mûcûku, nîûndû ke nîke mûthamaki ûrîa Ngai-Mûnene amûrîte!”