Nthi 24:12 - ÎVUKU RÎA ÛVORO MWARO

¹² Ethîrwa nwa uge atîrî, “Nie ndiîcî ûvoro ûyû,” Ngai-Mûnene ûrîa ûmenyaga ngoro cia andû nîonaga, nîakaarîva mûndû kûringana na wîra wake.

Nthi 24:12 Referencias Cruzadas

Ayubu 34:11

Ngai arîvaga mûndû kûringana na wîra wake, ekaga mûndû kûringana na mîtugo yake.

Thaburi 121:3

Ndangîkûrekia ûgwa, mûmenyereri waku ndagocagîrîra.

Thaburi 121:8

Ngai-Mûnene agaakûmenyagîrîra ûkiumagara na ûgîcoka; kuuma rîu nginya tene na tene.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 62:12

na atî wendo wake ndûthiraga, na arîvaga mûndû kûringana na ciîko ciake.

Thaburi 66:9

Ke nîatwigîte tûrî mwoyo na ndaatûrekereria tûvootwe.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Thaburi 94:9

Ûrîa waûmbire gûtû, anga ndegucaga? Ûrîa waûmbire ritho, anga ndonaga?

Nthi 12:14

Mûndû avecagwa kîveo kûringana na ûrîa aragia; na mûndû anyitaga kîrîa kîmwagîrîrîte kuumana na wîra wa njara ciake.

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 21:2

Mûndû onaga mîthiîre yake yonthe îrî mîagîrîru, nwatî Ngai-Mûnene athimaga ngoro.

Nthi 5:21

Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Maca 3:36

Na nîamenyaga rîrîa ciira ûtagûtuwa na kîvooto.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Ciîko 17:28

wata ûrîa mûndû ûmwe augîte atîrî, ‘Ke nîke ûtûmaga tûtûûre, tûvote kûthiî na twîthîrwe tûrî kîrîa tûrî.’ Andîki amwe enyu nîmaugîte atîrî, ‘Wa natue na tûrî ciana ciake.’

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

Aroma 2:6

Nîûndû Ngai nîakaarîva wa mûndû kûringana na ciîko ciake.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 2:18

“Andîka kûrî mûraika wa kanitha ûrîa ûrî Thîatira atîrî: “Îno nîyo ndûmîrîri kuuma kûrî Mûriû wa Ngai, ûrîa ûrî na metho makanîte ta mwaki mûkengu mûno. Nacio nyarîrî ciake ikengaga ta cuuma ya gîcango.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 22:12

Nake Jesû arauga atîrî, “Tathikîrîriani, nîmbûka warîu! Nie nîmbûka na iveo ciakwa nîguo mve wa mûndû kûringana na ûrîa ekîte.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 2:3

Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.

1Sam 2:6

Ngai-Mûnene nîke ûûragaga andû na nwake ûmavecaga mwoyo, nîke ûviraga andû kwa arîa akuû na akamaruta kuo.

1Sam 25:29

Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.