Nthi 23:20 - ÎVUKU RÎA ÛVORO MWARO

²⁰ Ndûkegwatanie na andû arîa manyunyaga ndivei mûno makarîwa, kana arîa akorokeru irio.

Nthi 23:20 Referencias Cruzadas

Nthi 20:1

Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.

Nthi 21:17

Mûndû ûrîa wendaga ikeno agaatûûra arî mûthîni, na mûndû ûrîa wendaga kûnyua ndivei na kûrîa irio cia goro ndagaatonga.

Nthi 23:2

Ethîrwa nîwendete kûrîa mûno, îmenyerere ndûkarîe na ûkoroku.

Nthi 28:7

Mwana ûrîa wathîkagîra watho ethagîrwa arî mûûgî, nwatî ûrîa ûtumaga ûrata na arîa akoroku nîaconorithagia îthe.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 5:11

Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.

Isaia 5:22

Mue arîa mwatuîkîte tûnavû twa ndivei kaî mûrî na thîna-î! njorua cia kûnyua mîthemba mwanyamwanya ya njovi.

Mathaayo 24:49

Kwoguo yo îkambîrîria kûriva ndungata irîa ciîngî, na yambîrîrie kûrîa na kûnyua na mîrîu.

Luka 15:13

Mîthenya mînini yavîtûka, mwanake ûcio warî mûnini nîwendirie îgai rîonthe rîake na akiuma kûu mûciî arî na mbeca. Nîwathiîre vûrûrirî ûmwe wa kûraca kûrîa anangire mbeca cionthe ciake na gwîka maûndû ma ûûra nthoni.

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

Gûco 21:20

Aciari acio nîmakeera atongoria a îtûûra atî: ‘Mwana wetû nî mûmû kîongo na nî mûremi. Ndatwathîkagîra, nî mûkoroku na nî mûrîu.’