Nthi 22:29 - ÎVUKU RÎA ÛVORO MWARO

²⁹ Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Nthi 22:29 Referencias Cruzadas

Kîam 41:38

na akîra ndungata icio atîrî, “Nwatwone mûndû wîngî mwaro ta ûyû ûrî na Roho wa Ngai ndaarî yake?”

Kîam 41:46

Josefu aambîrîrie wîra kwa mûthamaki wa Misiri arî na ûkûrû wa mîaka mîrongo îthatû (30). Nîwaumire kûu kwa mûthamaki na akîthiî akîthiûrûrûka vûrûri wonthe wa Misiri.

Kîam 47:6

vûrûri wonthe wa Misiri nî wao. Kwoguo tiga mekare vûrûrirî wa Gosheni. Na ethîrwa nîwicî andû arîa maicî kûruta wîra mûno gatagatîrî kao, ûmatue amenyereri a ng'ombe ciakwa.”

2Sam 2:32

Nake Joabu na andû ake nîmoocire mwîrî wa Asaheli na makîûthika mbîrîrarî ya andû a mûciî îrîa yarî Bethilehemu. Nîmaacokire makîrara makîthiî ûtukû mûgima, na magîkinya Heburoni kûthiîte gûkîa.

1Atha 10:8

Gûkena-rî nî aka aku! Wana kûgîa na mûnyaka nî ndungata ciaku, irîa mwîkaraga nacio vîndî cionthe ikîthikagîrîria ciugo ciaku cia ûûgî.

1Atha 11:28

Jeroboamu aarî mwanake mûvoreri. Na rîrîa Solomoni oonire atî mwanake ûcio nîwarutaga wîra na ûvinyaru, nîwamûtwire mûnene wa andû onthe a mûciî wa Josefu arîa maarutithagua wîra na vinya.

1Maû 4:23

Avîcî aya a Shela maarî aûmbi a nyûngû na maatûûraga matûûrarî ma Netaimu na Gedera makîrutagîra mûthamaki wîra.

Nthi 10:4

Ûgûûta ûtûmaga mûndû athîne, nwatî mûndû wî kîîo nî atongaga.

Nthi 12:24

Andû arîa marutaga wîra na kîîo nîmakaathana, nwatî igûta nîikaarutithua wîra na vinya.

Nthi 23:1

Ûngîkara nthî metharî mûrîcanîre na mûthamaki, menyerera mûno ndûkariganîrwe nî ûrîa mûrî nake.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Danieli 1:19

Nake mûthamaki nîwamarîrie onthe, na gatagatîrî kao, gûtirî wamûkenirie ta Danieli, Hanania Mishaeli na Azaria. Kwoguo mûthamaki nîwamathuurire matungatage gwake mûciî.

Danieli 1:4

Anake matarî na wonje, athaka, marî na ûûgî na wara wa mîthemba yonthe, athomu, na marî na ûmenyo, nîguo methîrwe marî agîrîru a gûtungata kwa Mûthamaki mûciî. Mûthamaki nîwaugire mathomithue kwaria na kwandîka rûthiomi rwa Akalidei.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Mathaayo 25:23

Nake mwathi wayo nîwamîrire atîrî, ‘Nîwîkîte waro. We wî ndungata mbaro na îîvokekete. Nîwîvokekete na tûindo tûnini. Nîngûgûtua mûmenyereri wa indo nyîngî. Tonya tûkenanîre vamwe!’

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

1Sam 16:21

Nake Daudi nîwathiîre kûrî Saûlo na agîtuîka ndungata yake. Saûlo nîwendire Daudi mûno na akîmûthuura atuîke wa kûmûkuuagîra indo ciake cia mbaara.

1Sam 17:31

Rîrîa andû meeguire ûrîa Daudi aaugaga, nîmaathiîre na makîra Saûlo, nake Saûlo agîtûmanîra Daudi.