Nthi 21:20 - ÎVUKU RÎA ÛVORO MWARO

²⁰ Mûciî wa mûndû mûûgî wîthagîrwa ûrî na indo cia goro, nwatî mûndû mûritu atûmagîra indo ciake naaî ikathira.

Nthi 21:20 Referencias Cruzadas

Ayubu 20:15

Mûndû mwaganu ameragia indo itarî ciake agaitavîka, nî Ngai ûirutaga îvurî rîake.

Ayubu 20:18

Nîakaavecana indo cionthe irîa arutîrîte wîra, ndakagîa na kanya ga gûûkenerera;

Thaburi 112:3

Mûciî wake nîûkaagîa na ûtonga na indo nyîngî, na ûthingu wake ûtûûraga tene na tene.

Thaburi 23:5

We nî ûmvarîrîrîtie kîrugo, nthû ciakwa cionthe ikîonaga, nî ûmbîtîrîrîtie maguta kîongo, na wîcûrîtie gîkombe gîakwa nginya gîkauna.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 14:24

Andû arîa aûgî nîmavecagwa ûtonga, nwatî andû arîa irimû mamenyekaga nî ûrimû wao.

Nthi 15:6

Andû arîa athingu nîmaigaga ûtonga wao, nwatî indo cia andû arîa aganu nîithiraga rîrîa thîna yaûka.

Nthi 22:4

Kîveo Kîam wînyivia na gwîtigîra Ngai-Mûnene nî ûtonga, gîtîîo na ûtûûro mûraca.

Nthi 8:21

Nîmvecanaga ûtonga kûrî arîa mamendete, na ngecûria makûmbî mao na indo cia goro.

Mûvunjia 10:19

Irio nîitûmaga mûndû agîe na gîkeno, ndivei îgacanjamûra mûndû ûtûûrorî, na mbeca nîcio itûmaga maûndû mau mekîke.

Mûvunjia 5:19

Mûndû angîvewa ûtonga na indo nyîngî nî Ngai na agîe na ûvoti wa gwîkenia nacio, nî agîrîrwe nî gûcokia ngatho na akenerere indo irîa arutîrîte wîra. Kîu nî kîveo kuuma kûrî Ngai.

Mûvunjia 7:11

Ûûgî ûrî umithio ta mûndû agaîte kîndû, arîa onthe marî mwoyo nîmagîrîrwe nî kûgîa naguo.

Jeremia 41:8

Nwatî gatagatî ka andû acio vaarî na arûme îkûmi arîa merire Ishumaeli atîrî, “Ndugatûrage nîûndû tûrî na ngano, cairi, maguta na ûûkî tûthithîte mîgûndarî.” Kwoguo Ishumaeli ndaamaûraga.

Mathaayo 25:8

Nao erîtu acio maarî aritu nîmeerire erîtu arîa maarî aûgî atîrî, ‘Tûgaûrîreni maguta menyu nîûndû taa cietû nîiravora.’

Luka 15:14

Na rîrîa avûthîre mbeca cionthe irîa aarî nacio, nîkwagîre na yûra rînene vûrûrirî ûcio nginya akîambîrîria kûthînîka.

Luka 16:1

Jesû nîwerire arutwa ake atîrî, “Vîndî îmwe kwarî na gîtonga Kîamrî na mûndû wa kûmenyerera indo ciakîo. Nakîo gîtonga nîkîerirwe atî mûndû ûcio nîwatûmagîra mbeca ciakîo naaî.

Luka 6:45

Mûndû mwaro aragia maûndû maro marîa maumîte ngororî yake. Nake mûndû mûcûku aragia maûndû macûku marîa maumîte ngororî yake. Mûndû aragia maûndû marîa mecûrîte ngororî yake.