Nthi 21:13 - ÎVUKU RÎA ÛVORO MWARO

¹³ Mûndû ûrîa ûtathikagîrîria mûthîni rîrîa akûmûkaîra, wa nake ndakoona wa kûmûthikîrîria agîkaya.

Nthi 21:13 Referencias Cruzadas

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Ayubu 29:12

Nîûndû athîni mangaîra nînamatethirie, na ngîtethia ûrîa ûtaarî na îthe wa kûmûtethia.

Thaburi 18:41

Nîmeetanire matethue, nwatî gûtirî mûndû wamavonokirie, nîmaakaîre Ngai-Mûnene, nwatî ndaametîka.

Thaburi 58:4

Marî ûrogi ta wa njoka; makunîkaga matû mao ta kîmvuva nîguo matikegue,

Nthi 1:28

Nîmûgaacoka mûmbîte, nwatî ndikaamwîtîka. Mûkaanjaria na kinyi, nwatî mûtikaamona.

Nthi 28:27

Mûndû ûrîa ûvecaga arîa athîni ndagaaturaga kîndû, nwatî ûrîa ûregaga gûtethia athîni nîakaarumwa nî andû eengî.

Mathaayo 6:14

“Ethîrwa mue nîmwovagîra andû arîa mamûvîtagîria, Îthe wenyu ûrîa ûrî îgûrû wa nake akaamwovagîra.

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Ciîko 7:57

Nao athuuri onthe a Kîamma nîmaaugîrîrie na vinya, magîkunîka matû mao na magîtitimûkîra Stefano wa rîmwe.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?