Nthi 20:24 - ÎVUKU RÎA ÛVORO MWARO

²⁴ Ngai-Mûnene nîke ûmenyaga mûtûûrîre wonthe wa mûndû, kwoguo gûtirî mûndû ûngîmenya ûrîa mûtûûrîre wake ûkeethîrwa wîkariî.

Nthi 20:24 Referencias Cruzadas

Thaburi 25:12

Andû arîa matîîaga Ngai-Mûnene, nîmakaathomithua nîke njîra îrîa magîrîrwe nî kûrûmîrîra.

Thaburi 25:4

Nthomithia njîra ciaku, we Ngai-Mûnene; ûmonie kûrûmîrîra maûndû marîa wendaga.

Thaburi 37:23

Ngai-Mûnene nîke wonagia andû njîra îrîa makûrûmîrîra, na nîagitagîra arîa mamûkenagia.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 16:1

Mûndû nîavangaga maûndû, nwatî Ngai-Mûnene nîke ûtûmaga mavinge.

Nthi 16:9

Mûndû nîavangaga maûndû make, nwatî Ngai-Mûnene nîke wonagia mûndû ûrîa agwîka.

Jeremia 10:23

Ngai-Mûnene nîmbicî atî mûndû ndarî ûvoti îgûrû rîa mûtûûrîre wake, gûtirî mûndû ûngîvota gûtongoria mûtûûrîre wake.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Ciîko 17:28

wata ûrîa mûndû ûmwe augîte atîrî, ‘Ke nîke ûtûmaga tûtûûre, tûvote kûthiî na twîthîrwe tûrî kîrîa tûrî.’ Andîki amwe enyu nîmaugîte atîrî, ‘Wa natue na tûrî ciana ciake.’