Nthi 20:13 - ÎVUKU RÎA ÛVORO MWARO

¹³ Ndûgatûmagîre mavinda maku na kûmama nîguo ndûgatuîke mûthîni, vingûra metho na nîûkaagîa na irio nyîngî.

Nthi 20:13 Referencias Cruzadas

Nthi 10:4

Ûgûûta ûtûmaga mûndû athîne, nwatî mûndû wî kîîo nî atongaga.

Nthi 12:11

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî andû arîa marûmagîrîra maûndû matarî na umithio nî irimû.

Nthi 13:4

Kîgûûta kîîriragîria kîndû na gîtikîonaga, nwatî mûndû ûrî kîîo nîagîcaga na indo nyîngî.

Nthi 19:15

Ûgûûta ûtûmaga mûndû amame; nwatî kûgangara gûtûmaga mûndû anyitwe nî yûra.

Nthi 20:14

Mûgûri wa kîndû vîndî cionthe atetaga atî thogora wa indo ûrî îgûrû mûno, nwatî acokaga kûthiî agîîtîaga ûrîa anyivanyivîrua thogora.

Nthi 28:19

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî arîa matecaga mavinda na maûndû matarî vata nîmatûûra marî athîni.

Nthi 31:15

Aûkagîra tene gûtarî kûrathamburûkana, akarugîra andû ake irio, na akava ndungata ciake wîra.

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

2Ath 3:10

Rîrîa twarî namue nîtwamwîraga atîrî, “Mûndû ûrîa ûtarutaga wîra ndagîrîrwe nî kûrîa irio.”