Nthi 20:11 - ÎVUKU RÎA ÛVORO MWARO

¹¹ Wana ciana imenyekaga ûrîa ciîkariî na njîra ya ciîko ciacio, ethîrwa ûrîa mekaga nî mwaro kana nî mûcûku.

Nthi 20:11 Referencias Cruzadas

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Thaburi 58:3

Andû arîa aganu matûûraga mavîtagia; matûûraga maveenanagia kuuma rîrîa maaciarirwe.

Nthi 20:12

Ngai-Mûnene aaûmbire metho nîguo twonage namo, na matû nîguo twîgucage namo.

Nthi 21:8

Mîthiîre ya andû arîa evia tî mîrûngarû, nwatî mîtugo ya andû arîa evokeku nî mîrûngarû.

Nthi 22:15

Ciana irî mîtugo ya ûrimû, nwatî kûmariva na kîthanju nîkûthiragia mîtugo ya ûrimû kûrî ciana.

Mathaayo 7:16

Mue mûkaamamenyaga na ciîko ciao. Mîtî ya mîgua nwa îciare thavibu, kana mîtongu îgaciara macuca?

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 1:66

Andû onthe arîa meegwire ûvoro ûcio nîmawîciragia na makîûria atîrî, “Angwa nîkwa mwana ûyû agaatuîka û?” Nîûndû nî kwonekanaga waro atî vinya wa Mwathani warî vamwe nake.