Nthi 2:6 - ÎVUKU RÎA ÛVORO MWARO

⁶ Nîûndû Ngai-Mûnene nîke ûvecanaga ûûgî; ûmenyo na ûûgî umaga kûrî ke.

Nthi 2:6 Referencias Cruzadas

1Atha 10:24

nao andû kuuma nthî yonthe nîmeendaga kûthiî kûrî Solomoni nîguo mathikîrîrie ûûgî wake ûrîa aaveetwe nî Ngai.

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

1Atha 4:29

Ngai nîwavere Solomoni ûûgî na ûmenyo ûtarî kîthimi vamwe na ûtaana wa ngoro mwîngî ta mûthanga ûrîa wîthagîrwa ûrî rûtererî rwa îria.

1Maû 22:12

Arokûva ûûgî na ûmenyo nîguo rîrîa agaagûtua mûthamaki wa Isiraeli ûkaathana kûringana na watho wa Ngai-Mûnene, Ngai waku.

Ezira 7:25

“Nawe Ezira, ûgîtûmagîra ûûgî ûrîa ûvetwe nî Ngai waku, ûkaathuura atongoria na atuithania ciira a kwathaga andû onthe arîa marî vûrûrirî ûrîa ûrî mwena wa îthûîro wa Rûnjî rwa Farati. Andû acio ûkaathuura methîrwe nî andû maicî watho wa Ngai wenyu na nîmaûrûmagîrîra. Nao andû arîa mataicî watho ûcio nîmathomithue maûmenye.

Nehemia 7:5

Ngai nîwacokire akîmvotithia kûgomanithia andû, atongoria vamwe na anene ao nîguo mandîkwe kûringana na njiarwa ciao. Nînoonire îvuku rîa njiarwa irîa ciaûkire kuuma îthamîriorî mbere, narîo rîandîkîtwe maûndû mama:

Ayubu 12:13

Nwatî ûûgî na vinya nî cia Ngai, naguo ûmenyo na kîrîra nî ciake.

Ayubu 12:16

Ke ethagîrwa arî na vinya na ûûgî, arîa maveenagua na arîa maveenanagia onthe nî ake.

Ayubu 22:22

Amûkagîra ûrîa Ngai agûkûthomithia, na wigage ciugo ciake ngororî yaku.

Ayubu 32:8

Nwatî roho wa Ngai mwene vinya wonthe, nîguo ûûkaga kûrî mûndû na akagîa na ûûgî.

Thaburi 119:104

Na njîra ya mawatho maku, nîngîcaga na ûtaûku, kwoguo nînthûrîte njîra cionthe cia maveeni.

Thaburi 119:34

Mva ûtaûku, nîguo mvote kûrûmîrîra watho waku; na nîngaaûvingia na ngoro yakwa yonthe.

Thaburi 119:98

Mawatho maku nîmatûmaga ngîe na ûûgî gûkîra nthû ciakwa, nîûndû mbîthagîrwa namo vîndî cionthe.

Thaburi 19:7

Watho wa Ngai-Mûnene nî mûkinyanîru, nî ûvecaga mûndû vinya mûcerû. Maathani ma Ngai-Mûnene nî ma kwîvokeka, nîmavecaga ûûgî arîa matarî naguo.

Thaburi 19:8

Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 94:10

Ûrîa wathaga ndûrîrî, anga ndangîmaverithia? Ûrîa ûthomithagia andû, anga ndethagîrwa arî mûûgî?

Ntha 31:3

Nîndûmîte ecûrwe nî roho wakwa, na agîe na ûvoti, ûmenyo na wara wa kûrûtha indo cia mîthemba yonthe

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:23

We Ngai wa methe metû ma tene, nînîragûcokeria ngatho na ngagûkumia, nîûndû nîûmvete vinya na ûûgî; na rîu nîûnguûrîrîtie maûndû marîa twakwîrire na ûgatwonia ûrîa tûkwîra mûthamaki.”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.