Nthi 19:7 - ÎVUKU RÎA ÛVORO MWARO

⁷ Mûthîni nîathûrîtwe nginya nî andû ao, wana arata ake matiendaga kwîthîrwa vakuvî nake. Ageragia kwaria nao, nwatî matimûthikagîrîria.

Nthi 19:7 Referencias Cruzadas

Thaburi 38:11

Arata na andû arîa tûriganîtie nao matirenda kwona mathîna makwa, na andû a mûciî wakwa matinguvagîrîria.

Thaburi 38:12

Andû arîa mendaga kûmbûraga nîmanyambagîra mîtego, arîa mendaga mone thîna mavangaga ûrîa makûnjûkangia, matitiganaga na mîvango ya kûmbûraga.

Thaburi 88:18

Nîûtûmîte andû etû na arata akwa onthe mandiganîria, kûrîa kuonthe nthiîcaga kwîthagîrwa nduma ntheri.

Thaburi 88:8

Nîûtûmîte arata akwa mandiganîria; nîûtûmîte nduîka kîndû kîrî magigi kûrî o. Mvingîrîtwe nîguo ndikavote kûûra.

Nthi 10:15

Gîtonga kîgitagîrwa nî ûtonga wa kîo; mûthîni acûkangagua nî ûthîni wake.

Nthi 14:20

Mûndû mûthîni nîamenetwe nginya nî andû arîa mariganîtie nake, nwatî gîtonga kîrî arata eengî.

Nthi 18:23

Mûthîni avoyaga kîndû na wînyivia, nwatî gîtonga gîcokagia na rûtûrîko.

Nthi 19:4

Ûtonga ûtûmaga mûndû agîe na arata vîndî cionthe, nwatî athîni nîmatigagwa nî arata ao.

Nthi 21:13

Mûndû ûrîa ûtathikagîrîria mûthîni rîrîa akûmûkaîra, wa nake ndakoona wa kûmûthikîrîria agîkaya.

Nthi 27:10

Ndûkariganîrwe nî mûrata waku kana mûrata wa aguo. Ndûgetie ûtethio kuuma kûrî andû a nyomba yaku vîndî ya thîna. Nîkava mûndû ûrîa mûtûûranîrîte nake gûkîra mûrwanyûkwe ûrîa ûrî kûraca.

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?