Nthi 19:25 - ÎVUKU RÎA ÛVORO MWARO

²⁵ Ûngîverithia mûndû mwîtîi, mûndû ûrîa mûritu nîagîcaga na ûûgî, ûngîruta mûndû mûûgî mavîtia nîagîcaga na ûmenyo.

Nthi 19:25 Referencias Cruzadas

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Nthi 15:5

Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.

Nthi 17:10

Mûndû mûûgî akanîtue nîanyitaga ûndû ûcio na njîra ndikîru, gûkîra mûndû mûritu arivîtwe maita îgana.

Nthi 21:11

Rîrîa mûndû wa îtherû averithua, kîrimû nîkîûvîgaga, rîrîa mûndû mûûgî athomithua, nîagîcaga na ûmenyo.

Nthi 9:7

Mûndû ûrîa ûrutaga mûndû mwîtîi mavîtia nîkwa arumagwa, nake ûrîa ûrûngaga mûndû mwaganu, nîkwa aguraragua.

Gûco 13:11

Andû onthe a Isiraeli nîmakegua ûrîa gwîkîkîte kûrî mûndû ûcio; nîmagetigîra na matigaacoka gwîka maûndû macûku ta mau rîngî.

Gûco 21:21

Nao andû onthe a îtûûra nî makaamûraga na mathiga. Ûguo nîguo mûkaathiria wîvia gatagatîrî kenyu; nao andû onthe a Isiraeli megua ûguo nîmagetigîra.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.