Nthi 18:10 - ÎVUKU RÎA ÛVORO MWARO

¹⁰ Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 18:10 Referencias Cruzadas

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 32:11

Nakûthaitha ûmvonokie kuuma kûrî mûrûwaiya Esaû. Nînîretigîra atî avota gûka gûtûûraga tuonthe ciana wana aa ng'ina.

2Sam 22:2

Ngai-Mûnene nîke mûngitîri, nîke vandû vakwa varîa vagitîre mûno, na nîke ûmvonokagia.

2Sam 22:3

Ngai wakwa nîke ûgitîri wakwa, nîthithaga kûrî ke. Nîke ngo yakwa îrîa îngitagîra, na akambîkaria na thayû. Nîke mûvonokia wakwa; angitagîra na akamvonokia kuuma kûrî maûndû marîa macûku.

2Sam 22:51

Ngai-Mûnene nîatûmaga mûthamaki wake agîe na ûvootani mûnene. Nîwonanagia wendo wake ûtathiraga kûrî mûndû ûrîa ke athuurîte, kûrî Daudi na njiarwa ciake tene na tene.

Thaburi 144:2

Nî mûrata wakwa wa kwîvokeka na mûgitîri wakwa, nîangitagîra na akamvonokia, nîke ngo yakwa na nîîthithaga varî ke, nîavootaga mavûrûri na akamaiga rungu rwakwa.

Thaburi 18:2

Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.

Thaburi 20:2

Arogûtethagia arî hekarûrî yake ntheru; agûtethagie arî Kîrîmarî gîa Zayuni.

Thaburi 27:1

Ngai-Mûnene nîke ûtheri wakwa na ûvonokio wakwa, gûtirî mûndû nîngîtigîra. Ngai-Mûnene nîke ûngitagîra kuuma kûrî mogwati monthe, gûtirî mûndû ngeetigîra.

Thaburi 91:14

Ngai augîte atîrî, “Nîngaavonokia mûndû wa wonthe ûmendete; nîngaagitîra mûndû ûrîa ûmbicî.

Thaburi 91:2

nîakaamwîra atîrî, “We Ngai-Mûnene mbûragîra kûrî we na nîwe ûngitagîra; Ngai wakwa ûrîa nîîvokaga.”

Ntha 6:3

Nînaumîrîre Iburahimu, Isaka na ngiumîrîra Jakovu ta Ngai Mwene Vinya Wonthe, nwatî ndiemenyithania kûrî o na njîra ya rîîtwa rîakwa rîrîa rîtheru, Ngai-Mûnene.

Nthi 14:26

Mûndû ûrîa wîtigîrîte Ngai-Mûnene ndetigagîra, nacio ciana ciake nîikaagîa na kûndû gwa kûûrîra.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Habakuku 3:19

Mwathani Ngai-Mûnene nîke vinya wakwa, nîatûmaga magûrû makwa matuîke ta ma nthwariga, atûmaga nthiîrîre irîma îgûrû.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

1Sam 17:45

Daudi nîwerire Goliathu atîrî, “We ûkîte kûrî nie na rûviû rwa njûra, îtumû na îtumû rîa gwikia, nwatî nie nîmbûka kûrî we na rîîtwa rîa Ngai-Mûnene mwene vinya wonthe, na nîke Ngai wa athigari a Isiraeli ûrîa we ûnyararithîtie.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.