Nthi 17:26 - ÎVUKU RÎA ÛVORO MWARO

²⁶ Gûtiagîrîrîte kûverithia mûndû ûtarî na mavîtia, rîrîa andû matarî na mavîtia makûverithua, kîvooto gîtirûmagîrîrwa.

Nthi 17:26 Referencias Cruzadas

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

2Sam 19:7

Rîu thiî ûmîrîrie andû aku. Nîûndû nînîvîta na rîîtwa rîa Ngai-Mûnene, atî ethîrwa tîûthiî, gûtirî wanarî ûmwe wao ûkethîrwa arî mwena waku rûyû kîraûko. Ûcio nîguo ûkethîrwa ûrî ûndû mûcûku makîria ya marîa monthe wanona kuuma ûninirî waku nginya ûmûnthî.”

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

Nthi 17:15

Mûndû ûrîa ûverithagia mûndû mûthingu na mûndû ûrîa ûrekagîrîria mûndû mwaganu, Ngai-Mûnene nîamathûrîte wa oîrî.

Nthi 18:5

Tî waro kwonia mûndû mwaganu kîmenyano, na tî waro kwima mûndû mwîvokeku kîvooto.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”