Nthi 17:14 - ÎVUKU RÎA ÛVORO MWARO

¹⁴ Kîambîrîria Kîam ngucanio nîta gûtemera manjî mûkaro, kwoguo rigîrîria ngucanio mbere ya yumîra.

Nthi 17:14 Referencias Cruzadas

2Sam 19:41

Andû onthe a Isiraeli nîmaacokire makîthiî kûrî mûthamaki na makîmûûria atîrî, “Mwathi wetû, nîndûî gîtûmîte aamûrwamaitû aya a Juda mecirie atî nîo maagîrîrwe nî gûkumagaria mûrî andû a mûciî waku na andû aku mamûringie Jorodani?”

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Nthi 14:29

Mûndû ûrîa ûtarakaraga na îvenya arî ûtaûku mwîngî, nwatî mûndû ûrakaraga na îvenya onanagia ûrîa arî mûritu.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 16:32

Nîkava mûndû ûtarakaraga na îvenya gûkîra mûndû njamba. Nîkava mûndû wînyitagia maûndûrî gûkîra kûnyita îtûûra rîonthe.

Nthi 17:19

Mûndû ûrîa wendete ngucanio nîendete mevia, na mûndû ûrîa mwîtîi acaragia thîna.

Nthi 19:11

Mûndû mûûgî ndarakaraga na îvenya, na rîrîa avîtîrua nîarekanagîra.

Nthi 20:3

Andû arîa aritu mekaraga vîndî cionthe magîkararanagia, mûndû ûrîa ûragîra ngucanio nîavecagwa gîtîîo.

Nthi 25:8

ndûkavinyûre kûûvira îgootirî; nîûndû mûthiiarî mûndû wîngî angîruta ûira wa kwonania atî we ûrî na mavîtia, ûgaacoka wîke atîa?

Nthi 26:21

Wata ûrîa makara na ngû matûmaga mwaki wîkare ûgîakanaga, nwata guo mûndû wa înegene atûmaga kûgîe na ngucanio.

Nthi 29:22

Mûndû wa mang'ûrîka nîatûmaga kûgîe na ngucanio, na mûndû wa marakara nîatûmaga kûgîe na mathîna meengî.

Aroma 12:18

Geragiani mûno wa ûrîa mûngîvota gûtûûrania na andû onthe mûrî na thayû.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.