Nthi 16:20 - ÎVUKU RÎA ÛVORO MWARO

²⁰ Mûndû ûrîa ûrûmagîrîra ûrîa athomithîtue nîathatûkagwa, kûrathimwa nî mûndû ûrîa wîvokete Ngai-Mûnene.

Nthi 16:20 Referencias Cruzadas

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

Thaburi 125:1

Arîa mevokete Ngai-Mûnene mekariî ta Kîrîma gîa Zayuni, kîrîa gîtanginainua, nwatî gîtûûraga tene na tene.

Thaburi 146:5

Gûkena nî mûndû ûrîa ûtethagua nî Ngai wa Jakovu, ûrîa mwîrîgîrîro wake ûrî kûrî Ngai-Mûnene Ngai wake,

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 32:10

Andû arîa aganu nî makoona mathîna meengî, arîa mevokete Ngai-Mûnene nî agitîre nî wendo wake ûtathiraga.

Thaburi 34:8

Tuîriani mwone atî Ngai-Mûnene nî mwaro. Kûrathimwa nî andû arîa mathiîcaga kûrî ke nîguo amagitîre.

Nthi 13:13

Mûndû ûrîa wîraga mataaro ecaragîria thîna ke mwene, nwatî mûndû ûrîa ûtîîaga maathani ma Ngai nîavecagwa kîveo.

Nthi 13:15

Ûûgî nîûvecagwa gîtîîo, nwatî andû arîa matarî evokeku marî njîrarî ya kûthira.

Nthi 17:2

Ndungata îrîa mbûgî nîkaatha mwana wa mwathi wayo ûrîa wîkaga maûndû ma gîconoko, na nîkaagaa kîndû ta ûmwe wa ciana cia mwathi wake.

Nthi 19:8

Mûndû ûrîa wîyendete nîacaragia ûûgî; mûndû ûrîa ûmenyagîrîra ûûgî nîagaakena.

Nthi 8:35

Andû arîa manjaragia na makamona nîmagîcaga na ûtûûro mûraca, na Ngai-Mûnene nîakenagua nî o.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.