Nthi 16:14 - ÎVUKU RÎA ÛVORO MWARO

¹⁴ Marakara ma mûthamaki nwa matûme mûndû akue, na mûndû mûûgî nîageragia kûmathiria.

Nthi 16:14 Referencias Cruzadas

Kîam 40:2

Mûthamaki wa Misiri nîwarakarire nîûndû wa ndungata icio ciake cioîrî.

Esita 7:7

Mûthamaki nîwaûkîrire akiuma kîrugorî kîu arî na marakara mûno na akîthiî na kûu mûgûndarî wa nyomba îo ya mûthamaki. Hamani nîwonire atî mûthamaki aarî mwîvarîriu kûmûverithia kwoguo nîwatigirwe akîthaithaga kwini Esita nîguo ndakaûragwe.

Nthi 15:18

Mûndû wa kûrakara na îvenya nîatûmaga kûgîe na ngucanio, nwatî mûndû ûrîa ûtarakaraga na îvenya nîathiragia ngarari.

Nthi 16:13

Mîario mîagîrîru nîîkenagia mûthamaki, na nî endete arîa maragia maûndû ma ma.

Nthi 16:15

Rîrîa ûthiû wa mûthamaki ûrî mûkengu kûrî na ûtûûro, ntha ciake nîta îtu rîa mbura.

Nthi 17:11

Mûndû mwaganu endaga tu wa kûregana na Ngai, nake mûndû ta ûcio atûmagîrwa mûnjaama mwaganu akamûverithie.

Nthi 19:12

Mûthamaki arî mûrakaru araramaga ta mûnyambû, nwatî ntha ciake nîta îme rîgwîrîrîte nyaki.

Nthi 20:2

Mûthamaki arî mûrakaru nîta mûnyambû ûkîrarama, mûndû ûrîa ûmûrakaragia ecaragîria gîkuû ke mwene.

Nthi 29:26

Andû eengî nîmeyendithagia kûrî mûthamaki, nwatî mûndû anyitaga kîvooto kuuma kûrî Ngai-Mûnene.

Nthi 29:8

Andû arîa aritu matûmaga îtûûra rîakane mwaki, nwatî andû arîa aûgî nî mathiragia marakara.

Mûvunjia 10:4

Mûnene waku angîrakara nî we, ndûgatige wîra, kwînyivia nîgûtûmaga mavîtia meengî makiranîrwe.

Danieli 2:16

Danieli nîwathiîre kûrî mûthamaki narua, na akîmûvoya amûve kavinda nîguo amûtaûrîre kîroto.

Maariko 6:27

Na wa rîmwe mûthamaki nîwarutire watho akiuga mûrangîri ûmwe gatagatîrî ka arîa maamwîkaragia, athiî agîre kîongo Kîam Johana. Nake mûrangîri ûcio nîwathiîre njeera, akîrenga kîongo Kîam Johana na

Ciîko 12:20

Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.