Nthi 15:21 - ÎVUKU RÎA ÛVORO MWARO

²¹ Mûndû kîrimû nîakenagua nî ûrimû wake, nwatî mûndû mûûgî ekaga maûndû marîa magîrîru.

Nthi 15:21 Referencias Cruzadas

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Nthi 10:23

Kîrimû gîkenaga rîrîa gîkûvîtia, nwatî mûndû ûrî na ûmenyo akenaga agîka maûndû na ûûgî.

Nthi 11:12

Mûndû ûrîa ûnyararaga andû arîa engî nî kîrimû, nwatî mûndû ûrîa ûrî ûtaûku nî gûkira akiraga.

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 14:9

Andû arîa irimû matimakaga rîrîa mevîtie, nwatî Ngai nîarathimaga andû arîa agîrîru.

Nthi 15:22

Mîvango nîcûkaga varîa vatarî na ûtaarani, nwatî varîa varî na ataarani eengî mîvango nîîvucaga.

Nthi 4:25

Thiîcaga ûroretie mbere; thiîcaga ûtakwîvûgûra.

Nthi 4:26

Menyagîrîra na kinyi mîthiîre yaku, namo maûndû marîa ûgekaga makethagîrwa marî maro.

Aefeso 5:15

Kwoguo menyagîrîrani mîkarîre yenyu. Tigagani gwîkara ta andû aritu, îkaragani ta andû aûgî.

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.