Nthi 15:14 - ÎVUKU RÎA ÛVORO MWARO

¹⁴ Andû arîa aûgî nîmacaragia ûmenyo, nwatî andû arîa irimû meganagîra na ûrimû wao.

Nthi 15:14 Referencias Cruzadas

Thaburi 119:100

Nîrî na ûtaûku mwîngî gûkîra athuuri arîa akûrû, nîûndû nîmvingagia matuîro maku ma ciira.

Thaburi 119:97

Ûûi, kaî nîmendete watho waku-î! Ndindaga ngîîciria ûvoro waguo mûthenya mûgima.

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Nthi 12:23

Andû arîa aûgî matiendaga kwonania atî nî aûgî, nwatî irimû nîcianagîrîra ûrimû wa cio.

Nthi 15:15

Andû arîa athîni vîndî cionthe matûûraga na thîna, nwatî andû arîa akenu vîndî cionthe matûûraga ta marî na kîrugo.

Nthi 18:15

Mûndû mûûgî nîeriragîria kûmenya maûndû, na matû ma mûndû mûûgî nîmegucaga ûmenyo.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Isaia 30:10

Meraga oni maûndû atîrî, ‘Tigani kwona maûndû.’ Na makeera arathi atîrî, ‘Mûtigatûrathîre maûndû marîa magîrîru, twaragîrieni maûndû marîa maro, na mûrathage maûndû ma maveeni.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.