Nthi 14:18 - ÎVUKU RÎA ÛVORO MWARO

¹⁸ Andû arîa irimû magaaga ûrimû, nwatî andû arîa aûgî nîmavecagwa ûmenyo.

Nthi 14:18 Referencias Cruzadas

Nthi 14:17

Mûndû ûrîa ûrakaraga na îvenya arûthaga maûndû na ûrimû, nwatî mûndû mûûgî nî akiragîrîria.

Nthi 14:19

Andû arîa acûku nîmakenamîrîra mbere ya andû arîa athingu, na nîmakaavoya ûtethio kuuma kûrî o.

Nthi 3:35

Andû arîa aûgî nîmakagaa gîtîîo, nwatî irimû nîigaaconorithua.

Jeremia 16:19

We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.