Nthi 13:17 - ÎVUKU RÎA ÛVORO MWARO

¹⁷ Mûnjaama mûcûku atûmaga andû matonye thînarî, nwatî mûnjaama mwîvokeku nîatûmaga kûgîe na thayû.

Nthi 13:17 Referencias Cruzadas

Nthi 10:26

Ndûkave mûndû kîgûûta wîra akûrutîre, nîûndû agakwîgwithia ngirira ta thiki îrî magegorî kana ta ndogo îrî metho.

Nthi 13:18

Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.

Nthi 25:13

Mûnjaama mwîvokeku nîakenagia ûrîa ûmûtûmîte, ta ûrîa manjî ma mvevo makenagia mûndû kûrî na ûrugarî vîndî ya maketha.

Nthi 25:23

Rûkûngi rwa mwena wa rûgûrû rûretaga mbura, nacio njukû iretaga marakara.

Nthi 26:6

Mûndû ûrîa ûtûmaga kîrimû na ndûmîrîri, nîta gwîtinia etinagia magûrû, na nîeretagîre thîna.

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Ezek 3:18

Nîngîkera mûndû mwaganu atî nama nîagûkua nawe ûrege kûmûkaania nîguo agarûrûke avonokie mwoyo wake; mûndû mwaganu nîagaakua nîûndû wa waganu wake, nawe nîngaakûrîvia nthakame yake.

Ndari 31:8

vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

1Akor 4:2

Makîria ya ûguo, ndungata ciagîrîrwe nîkwîthîrwa ciîvokekete kûrî Mwathi wacio.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

1Tim 1:12

Nînjokagia ngatho kûrî Mwathani wetû Jesû Kristû ûrîa ûmvete vinya ya kûruta wîra wakwa. Ke nîwonete nîrî mwagîrîru na akanthuura nîmûtungatîre,

2Tim 2:2

Maûndû marîa weguire ngîaria nîrî mbere ya aira eengî mathomithie andû arîa evokeku, nîguo nao mathomithie andû arîa engî.