Nthi 13:15 - ÎVUKU RÎA ÛVORO MWARO

¹⁵ Ûûgî nîûvecagwa gîtîîo, nwatî andû arîa matarî evokeku marî njîrarî ya kûthira.

Nthi 13:15 Referencias Cruzadas

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Nthi 14:35

Mûthamaki nîakenagua nî ndungata irîa irutaga wîra na ûûgî, nwatî nîaverithagia ndungata irîa irutaga wîra ûrîa ûtagîrîrîte.

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Nthi 3:4

Weka ûguo, ûkaavewa gîtîîo na wendwe nî Ngai na andû.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Ciîko 7:10

na nîwamûtethûrire mathînarî mau make monthe. Josefu aarî mûve ûûgî mwîngî mûno nî Ngai arî mbere ya mûthamaki. Kwoguo mûthamaki wa Misiri nîwamûtuire mûnene wa vûrûri wa Misiri na akîmûva wîra wa kûrûngamîrîra andû onthe a mûciî wake.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.