Nthi 12:5 - ÎVUKU RÎA ÛVORO MWARO

⁵ Meciria ma andû arîa athingu nî ma kîvooto; nwatî mataaro ma andû arîa aganu nî ma maveeni.

Nthi 12:5 Referencias Cruzadas

Thaburi 119:15

Nînîciragia na vinya ûvoro wîgiî mawatho maku, na nînûmagîrîra njîra ciaku.

Thaburi 139:23

Nduîria we Ngai, na ûmenye ûrîa ngoro yakwa îkariî; nthima na ûmenye meciria makwa.

Nthi 11:23

Merirîria ma mûndû mûthingu marîkagîrîria na ûndû mwaro; nwatî kîîrîgîrîro Kîam mûndû mwaganu kîrigagîrîria na marakara.

Nthi 12:4

Mûndûmûka mwaro nî nthûmbî ya mûthuuriwe, nwatî mûndûmûka ûrîa ûconorithagia mûthuuriwe nîta woru ûrî mavîndîrî ma mûthuuriwe.

Nthi 12:6

Ciugo cia andû arîa aganu nî cia ûûragani, nwatî ciugo cia andû arîa athingu nî cia kûvonokania.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 24:9

Mîvango ya mûndû mûritu nî ya mevia, mûndû mwîtîi nîathûrîtwe nî andû arîa engî.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Jeremia 9:5

Wa mûndû aveenagia mûrata wake, na gûtirî mûndû waragia ûûma, mamenyeretie tûrîmî twao kwaria maveeni, mekaga mevia makaremwa nî kwîrira.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 26:4

na makîvanga ûrîa makûnyita Jesû na nthitho nîguo mamûûrage.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.