Nthi 12:28 - ÎVUKU RÎA ÛVORO MWARO

²⁸ Ûthingu nî njîra ya gûtûûra mwoyo, nwatî waganu nî njîra ya gîkuû.

Nthi 12:28 Referencias Cruzadas

Nthi 10:16

Mûcara wa mûndû mûthingu nî ûtûûro mwaro, nwatî umithio wa mwaganu nî mevia.

Nthi 10:2

Gûtonga na njîra îtagîrîrîte gûtigunaga mûndû, nwatî ûthingu nîûvonokagia mûndû kuuma kûrî gîkuû.

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Nthi 8:35

Andû arîa manjaragia na makamona nîmagîcaga na ûtûûro mûraca, na Ngai-Mûnene nîakenagua nî o.

Nthi 9:11

Ûûgî nîagaatûma ûtûûre mwoyo îvinda îraca, na nîagaatûma ûtûûre mwoyo mîaka mîîngî.

Jeremia 21:8

Nawe Jeremia nîûgacoka wîre andû aya atî Ngai-Mûnene arauga atîrî, “Taroria, nîmbigîte mbere yaku gûtûûra mwoyo na gûkua.

Ezek 18:9

Ethîrwa mûndû ta ûcio nî avingagia irîra cia watho wakwa, na nîamenyagîrîra matuîro makwa ma ciira na nîekaga maûndû ma kîvooto, na ma mûndû ûcio nî mûthingu na nîagaatûûra mwoyo. Ûguo nîguo Ngai-Mûnene augîte.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Gûco 30:15

“Taroriani, ûmûnthî nîramwîra mûthuure ûndû ûmwe gatagatî ka ûndû mwaro na ûndû mûcûku: gîkuû na mwoyo.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.