Nthi 12:22 - ÎVUKU RÎA ÛVORO MWARO

²² Ngai-Mûnene nîathûrîte andû arîa mavenanagia, nwatî nîakenagua nî arîa evokeku.

Nthi 12:22 Referencias Cruzadas

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

Thaburi 120:2

Mvonokia, we Ngai-Mûnene, kuuma kûrî andû arîa maveenanagia.

Thaburi 5:6

We nîûcûkangagia andû arîa maveenanagia, na nîûreganaga na aûragani na arîa mataragia ûma.

Nthi 11:1

Ngai-Mûnene nîathûrîte andû arîa matûmagîra kîthimi Kîam maveeni, nwatî nîakenagua nî kîthimi kîrîa Kîamgîrîru.

Nthi 11:20

Ngai-Mûnene nîathûrîte andû arîa meciragia maûndû ma kûvîtithia andû, nwatî nîakenagua nî arîa mekaga maûndû marîa magîrîru.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 17:7

Andû arîa ave gîtîîo mativeenanagia, na irimû itiaragia ûndû wa vata.

Isaia 9:15

Athuuri na andû arîa ave gîtîîo nîo ciongo, nao arathi arîa mathomithanagia maûndû ma maveeni nîo mîkia.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Ezek 13:19

Mue nîmûmbagithîtie gîtîîo mbere ya andû akwa nîûndû wa kûvewa îvaki rîa cairi ya ngundi na tûirio tûnini. Nîmûragithîtie andû arîa matagîrîrwe nî kûragwa na mûkavonokia andû arîa matagîrîrwe nî gûtûûra mwoyo na njîra ya kûveenia andû akwa nao magetîkia maveeni menyu.’ ”

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.