Nthi 12:15 - ÎVUKU RÎA ÛVORO MWARO

¹⁵ Vîndî cionthe andû arîa aritu meciragia mareka ûrîa kwagîrîrîte, nwatî andû arîa aûgî nîmathikagîrîria ûtaaro.

Nthi 12:15 Referencias Cruzadas

Nthi 1:5

Andû arîa aûgî wanao nîmaithikagîrîrie nîguo mongerere ûûgî, na andû arîa marî na ûmenyo magîcage na wara,

Nthi 13:1

Mwana mûûgî nîathikagîrîria rîrîa agûtaarwa nî îthe, nwatî mûndû mwîtîi ndathikagîrîria rîrîa akûrutwa mavîtia.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Nthi 14:12

Kûrî njîra mûndû onaga takwa îrî mbagîrîru, nwatî mûthiiarî îviraga mûndû gîkuûrî.

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 16:2

Mûndû onaga ciîko ciake cionthe irî mbaro, nwatî Ngai-Mûnene atuîragia ngoro ya mûndû.

Nthi 16:25

Kûrî mîthiîre mûndû onaga îrî mîagîrîru, nwatî mûthiiarî îviraga mûndû gîkuûrî.

Nthi 19:20

Thikagîrîria ûgîtaarwa na ûrûmagîrîre ûrîa ûkûthomithua, nîguo vuvarî ûkaagîa na ûûgî.

Nthi 21:2

Mûndû onaga mîthiîre yake yonthe îrî mîagîrîru, nwatî Ngai-Mûnene athimaga ngoro.

Nthi 26:12

Nî kava kîrimû gûkîra mûndû ûrîa wîtucaga atî ke nî mûûgî.

Nthi 26:16

Mûndû kîgûûta eciragia atî ke nî mûûgî gûkîra andû eengî arîa macokagia maûndû na ûmenyo.

Nthi 28:11

Gîtonga gîciragia atî kîo nî kîûgî, nwatî mûthîni ûrî na ûtaûku nîamenyaga atî gîtonga tî kîûgî.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Nthi 30:12

Kûrî andû meyonaga marî atheru nwatî methagîrwa matarî atheru.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Mûvunjia 4:13

Kava mwanake mûthîni na mûûgî gûkîra mûthamaki mûndû mûkûrû arî kîrimû na ndathikagîrîria mataaro,

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Agal 6:3

Mûndû angîciria atî ke nî wa vata na kwaria ma tî wa vata, nîkwîveenia eveenagia.