Nthi 11:28 - ÎVUKU RÎA ÛVORO MWARO

²⁸ Mûndû ûrîa wîvokaga ûtonga wake agûcaga ta îthangû vîndî ya riûa, nwatî mûndû ûrîa mûthingu ekaraga ta îthangû vîndî ya mbura.

Nthi 11:28 Referencias Cruzadas

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 49:6

andû arîa acûku mevokaga ûtonga wao, na metîîaga nîûndû wa ûtonga wao mwîngî.

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 10:15

Gîtonga kîgitagîrwa nî ûtonga wa kîo; mûthîni acûkangagua nî ûthîni wake.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Jeremia 17:8

Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.