Nthi 11:24 - ÎVUKU RÎA ÛVORO MWARO

²⁴ Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

Nthi 11:24 Referencias Cruzadas

2Maû 31:10

Nake Azaria, mûnene wa athînjîri-Ngai ûrîa warî wa kuuma nyomba ya Zadoku nîwacokerie Hezekia atîrî, “Kuuma vîndî îrîa andû maambîrîrie kûreta matega mao hekarûrî, twîthîrîtwe tûrî na irio mbîganu cia kûrîa na igatigara nyîngî nîûndû Ngai-Mûnene nîmûrathimu andû ake. Kîu nîkîo gîtûmîte twîthîrwa tûrî na indo ino nyîngî ûguo itigarîte.”

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 11:23

Merirîria ma mûndû mûthingu marîkagîrîria na ûndû mwaro; nwatî kîîrîgîrîro Kîam mûndû mwaganu kîrigagîrîria na marakara.

Nthi 11:25

Mûndû mûtaana nîarathimagwa, nake mûndû ûrîa ûvecanaga wanake nîavecagwa.

Nthi 13:7

Andû amwe metucaga itonga, nwatî matirî kîndû. Engî metucaga athîni, nwatî marî ûtonga mwîngî.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 28:27

Mûndû ûrîa ûvecaga arîa athîni ndagaaturaga kîndû, nwatî ûrîa ûregaga gûtethia athîni nîakaarumwa nî andû eengî.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Mûvunjia 11:6

Vanda mbegû mûgûndarî waku kîraûko na kîvwaî, nîûndû ndwîcî irîa igaakûthatûka nî cia kîraûko kana nî cia kîvwaî.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Gûco 15:10

Vecagani mûndû ta ûcio na ûtaana na ngoro ntheru, na Ngai-Mûnene Ngai wenyu akaamûrathimaga mawîrarî menyu monthe.