Nthi 10:22 - ÎVUKU RÎA ÛVORO MWARO

²² Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 10:22 Referencias Cruzadas

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 13:2

Aburamu aarî na ûtonga mwîngî mûno wa ng'ombe, ng'ondu, mbûri, sîlûva na thaavu.

Kîam 14:23

atî, gûtirî kîndû wa naarî kîmwe gîaku ngaatigwa nakîo wana nginya rûrigi rwa nguo kana rûrigi rwa kîratû nîguo ndûkauge atî, ‘Nînie naatûmire Aburamu atonge.’

Kîam 24:35

Ngai-Mûnene nîarathimîte mwathi wakwa mûno na akamûtongia. Nîamûvete ndîthia ya mbûri na ng'ondu na ng'ombe, sîlûva, thaavu, ndungata cia arûme na cia aka, ngamîîra na mvunda.

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Kîam 26:13

Indo cia Isaka nîciathiîre na mbere kwongereka na agîtuîka gîtonga kînene.

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

2Maû 25:9

Nake Amazia nîwaûririe mûndû ûcio wa Ngai atîrî, “Nîmbîka atîa nîûndû wa sîlûva îrîa yonthe naarîvire ngîkombora athigari kuuma Isiraeli?” Nake mûndû ûcio wa Ngai nîwamûcokerie atîrî, “Ngai-Mûnene arî na ûvoti wa gûkûva ciîngî nyîngî gûkîra icio.”

2Maû 32:27

Mûthamaki Hezekia nîwatongire mûno na andû onthe nîmaamûvete gîtîîo. Nîwatumithîtie nyomba nyîngî cia kwiga ûtonga wake wa sîlûva, thaavu, mathiga ma goro, mînyamû mînungi waro, ngo na indo ciîngî cia goro cia mîthemba yonthe.

2Maû 32:29

Hezekia nîwatumire matûûra meengî na akîgîa na ndîthia nyîngî ya ng'ombe na ng'ondu nîûndû Ngai nîwamûrathimîte na indo nyîngî mûno.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 37:22

Andû arîa arathime nî Ngai-Mûnene nîmakagaa nthî, nwatî arîa arume nîke nîmakaathirua.

Nthi 14:24

Andû arîa aûgî nîmavecagwa ûtonga, nwatî andû arîa irimû mamenyekaga nî ûrimû wao.

Nthi 20:21

Ûtonga ûgîtwe na îvenya, ûthiraga wa na îvenya.

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Nthi 8:21

Nîmvecanaga ûtonga kûrî arîa mamendete, na ngecûria makûmbî mao na indo cia goro.

Danieli 1:15

Na mîthenya îkûmi yathira, Danieli, Mîsheki, Shadiraka na Abedinego nîmonekire marî athaka na anoru gûkîra arîa maarîcaga irio na makanyua ndivei ya mûthamaki mûciî.

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Gûco 26:10

Kwoguo nînakûrutîra We, Ngai-Mûnene maketha ma mbere ma mûgûnda ûrîa ûmvete.’ “Nîûgaacoka wige gîkavu gîaku vau nthî mbere ya Ngai-Mûnene, Ngai waku na ûmûgooce.

Gûco 28:11

Ngai-Mûnene nîagaatûma mûthatûkwe; nîmûkaagîa na ciana nyîngî, ndîthia nene ya ng'ombe, na irio nyîngî cia mûgûnda mûrî vûrûrirî ûrîa Ngai-Mûnene eerîre methe menyu atî nîakaamûva.

Josh 6:18

Mûtigakuue indo irîa ciagîrîrwe gûcûkangua, nîûndû mwaikuua nîmûkûrete thîna kûrîa andû a Isiraeli mambîte magema na mûtûme gûcûkangue.