Nthi 10:1 - ÎVUKU RÎA ÛVORO MWARO

¹ Ino nî nthimo cia Solomoni. Mwana mûûgî atûmaga îthe akene, nwatî mwana mûritu atûmaga ng'ina agîe na kîeva.

Nthi 10:1 Referencias Cruzadas

1Atha 4:32

Nîwatungire nthimo ngiri ithatû (3,000), na akina nyîmbo ngiri îmwe na ithano (1,005).

Nthi 1:1

Ino nî nthimo irîa ciatungirwe nî Solomoni mûvîcî wa Daudi, mûthamaki wa Isiraeli.

Nthi 13:1

Mwana mûûgî nîathikagîrîria rîrîa agûtaarwa nî îthe, nwatî mûndû mwîtîi ndathikagîrîria rîrîa akûrutwa mavîtia.

Nthi 15:20

Mwana mûûgî nîatûmaga îthe akene, nwatî mwana kîrimû nîanyararaga ng'ina.

Nthi 17:21

Mwana kîrimû atûûragia îthe na kîeva, na îthe wa mwana kîrimû ndarî gîkeno.

Nthi 17:25

Mwana kîrimû atûûragia îthe na kîeva, na agatûûria ng'ina ûrîa wamûciarire na marûrû.

Nthi 19:13

Mwana mûritu nwa aretere îthe thîna, na mûndûmûka wa ngarari ekariî ta mbura îkiura îtagûkîa.

Nthi 25:1

Ino wa nacio nî nthimo cia Solomoni. Ciandîkirwe nî anene a Hezekia, mûthamaki wa Juda.

Nthi 27:11

Mwana wakwa, gîa na ûûgî nîguo ngene, na ngîe na ûndû wa gûcokeria arîa manumaga.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Nthi 29:17

Thomithia mwana waku mîtugo mîaro na nîagaatûma ûgîa na thayû; ke nîagaatûma ûkene.

Nthi 29:3

Mûndû ûrîa wendete ûûgî nîatûmaga îthe akene, nwatî mûndû ûrîa ûnyitanagîra na maraa atûmagîra mbeca ciake na ûrimû.

Mûvunjia 12:9

Mûvunjia aarî mûndû mûûgî, kwoguo nîwathomithagia andû maûndû marîa aaicî. Nîwethomithirie nthimo na agîituîria waro nîguo amenye ûma wacio.

Mûvunjia 2:19

Nû wicî kana akethîrwa arî mûûgî kana arî kîrimû? Kûnarî ûguo, indo cionthe irîa naacaririe gûkû nthî ngîtûmagîra ûûgî wakwa nwanginya ngaamûtigîra cio. Ûyû wana guo nî wîra wa mana.