Nehemia 7:3 - ÎVUKU RÎA ÛVORO MWARO

³ Nînameerire mîrango ya Jerusalemu ndîkavingûragwe kîraûko nginya riûa rîare, na îvingagwe na îgekîrwa mîkîgo mbere ya arangîri maumîra wîra riûa rîathûa. Nînameerire mathuure arangîri kuuma gatagatî ka andû arîa maatûûraga Jerusalemu. Amwe ao mamatue arangîri na marangagîre marî kûrîa kûthondeketwe na engî vakuvî na nyomba ciao.

Nehemia 7:3 Referencias Cruzadas

Nehemia 13:19

Kwoguo nînavecanire watho atî ivingo cia îtûûra rîa Jerusalemu ivingagwe vîndî yonthe kîvwaî mbere ya thavatû na itikavingûrwe nginya rîrîa thavatû îkaathira. Nînacokire ngiga ndungata imwe ciakwa ivingorî nîguo cione atî gûtirî kîndû kîngîatonyagua îtûûrarî mûthenya wa thavatû.

Nehemia 3:23

Benjamini na Hashubu nîmaatumire rîngî gîcunjî Kîam rûthingo kîrîa Kîamrî mbere ya nyomba yao. Nake Azaria mûvîcî wa Maasea nîwatumire rîngî gîcunjî kîrîa Kîamrî mbere ya nyomba yake. Îthe wa Azaria aarî mûvîcî wa Anania.

Nehemia 7:2

Nînavere mûrwaiya, Hanani marî na Hanania, ûrîa warî mûnene wa vandû varîa vagitîre mûno wîra wa kûrûngamîrîra Jerusalemu. Hanania aarî mûndû warî mwîvokeku na wetigîrîte Ngai gûkîra andû eengî.

Nehemia 7:4

Îtûûra înene rîa Jerusalemu rîarî rîariî na rînene, nwatî gûtiarî na andû eengî maatûûraga kuo, na gûtiarî gûtume nyomba nyîngî vîndî îo.

Thaburi 127:1

Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

Thaburi 147:13

Nîekagîra ivingo cia mîrango yaku vinya, na nîarathimaga andû aku.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.