Nehemia 4:2 - ÎVUKU RÎA ÛVORO MWARO

² Nîwaririe arî mbere ya aa mûrwang'ina na mbere ya mbûtû ya athigari a Samaria akiuga atîrî, “Ayahudi aya matanarî na vinya mareka atîa? Marenda gûtuma rûthingo rîngî? Mareciria na njîra ya kûrutîra Ngai magongoona nwa mavote kûrîkia wîra ûcio na mûthenya ûmwe? Nwa mavote gûcokia mathiga ma gûtuma ûrîa meekariî kuuma ciûmbwarî ino maaûmbirwe mavîvua?”

Nehemia 4:2 Referencias Cruzadas

Ezira 4:4

Nao andû arîa matûûraga vûrûrirî ûcio nîmaageririe gûtûma andû a Juda mathirwa nî vinya na metigîre gûtuma.

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Nehemia 12:43

Mûthenya ûcio andû nîmaarutire magongoona meengî na nîmaakenire nîûndû Ngai nîwamavete gîkeno kînene. Aka na ciana wanao nîmaakenire na înegene rîa gîkeno Kîamo kuuma îtûûrarî rîa Jerusalemu nîrîegwîkaga kûndû kûraca.

Nehemia 4:10

Nao andû a Juda nîmaaugire atîrî, “Vinya wetû wa gûkuua mîrigo nîûrathira na kûrî na gîko kîngî mûno; tûtiravota wîra wa gûtuma rûthingo.”

Nehemia 6:15

Wîra wonthe wa gûtuma rîngî rûthingo nîwathirire mûthenya wa mîrongo îîrî na îtano wa mweri wa Eluli. Wîra ûcio warutirwe îvinda rîa mîthenya mîrongo îtano na îîrî.

Thaburi 83:4

Marauga atîrî, “Ûkani tûcûkangie vûrûri wao, rîîtwa rîa Isiraeli rîriganîre tene na tene.”

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Jeremia 33:24

“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.