Nehemia 2:1 - ÎVUKU RÎA ÛVORO MWARO

¹ Mûthenya ûmwe mwerirî wa Nisani mwaka wa mîrongo îîrî rîrîa mûthamaki Aritashasike aarîcaga irio, nînaamûvirîre ndivei. Ndoonete nîrî na kîeva ûguo mbererî.

Nehemia 2:1 Referencias Cruzadas

Kîam 40:11

Nie nîranyitîte gîkombe Kîam mûthamaki wa Misiri na njara. Kwoguo nîrocire thavibu na naivivîra gîkomberî Kîam mûthamaki na namûnengera.”

Kîam 40:21

Nîwacokirie mûnene wa amenyereri ndivei wîrarî ûrîa warî wake wa kûmûvirîra ndivei,

Ezira 4:7

Rîrîa Aritakiserikise aatuîkire Mûthamaki wa Perisia, Bishilamu Mithiredathi, Tabeeli, na arata ao nîmaandîkîre mûthamaki maarûa. Maarûa îo yandîkirwe na rûthiomi rwa Gîsuriata na ikîthomwa îgîtaûrwa nîyataûragwa na Kîhibirania.

Ezira 7:1

Vuva wa ûguo, vîndî îrîa Aritakiserikise arî mûthamaki wa Perisia, kwarî na mûndû wetagwa Ezira. Mûndû ûcio aarî mûvîcî wa Seraia, Seraia aarî mûvîcî wa Azaria, Azaria mûvîcî wa Hilikia.

Ezira 7:7

Mwakarî ûcio wa mûgwanja Aritakiserikise arî mûthamaki, Ezira nîwaumire Babuloni na akîthiî Jerusalemu. Maathiîre marî na andû amwe a Isiraeli, na nîo athînjîri-Ngai amwe na Alawi, aini a nyîmbo, arangîri a kîvingo na ndungata cia hekarû.

Nehemia 1:1

Ûyû nîguo mûtaratara wa maûndû marîa Nehemia, mûvîcî wa Hakalia eekire. Aritashasike aarî mûthamaki wa Perisia. Mweri wa Kisilevu mwaka wa mîrongo îîrî kuuma atuîka mûthamaki, nie Nehemia, naarî Susa îtûûra rîrîa rînene.

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Esita 3:7

Mwaka wa îkûmi na îîrî mweri wa mbere ûrîa wîtagwa Nisani kuuma mûthamaki Ahasuerusi ambîrîria kwathana, Hamani nîwathanire atî gwikague mîtî nîguo kûmenyekane nîrî makaûraga andû acio. Nayo kuura nîyagwîrîre mûthenya wa îkûmi na îthatû mweri wa îkûmi na îîrî, ûrîa wîtagwa mweri wa Adari.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.