Nehemia 1:5 - ÎVUKU RÎA ÛVORO MWARO

⁵ Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Nehemia 1:5 Referencias Cruzadas

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

1Maû 17:21

Nî rûrîrî rwîngî rûrîkû nthî yonthe rûngîringithanua na andû a Isiraeli, arîa Ngai aathiîre gûkûûra nîguo matuîke andû ake? Maûndû manene na magegania marîa wamarûthîre nîmaatûmire ûgîa na rîîtwa rîrî na îgweta, rîrîa wavinyûririe ndûrîrî irîa ciarî mbere ya andû aku arîa warutire Misiri.

Ezira 1:2

“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Nehemia 2:4

Nake mûthamaki nîwambûririe atîrî, “Nîwenda atîa?” Kwoguo nînavoire Ngai wa îgûrû,

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Nehemia 4:8

Kwoguo nîmaavangire marî vamwe matharîkîre Jerusalemu nîguo kûgîe na kîvîngîcî wîrarî wa gûtuma.

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Thaburi 47:2

Nîûndû Ngai-Mûnene, ûrîa ûrî Îgûrû Mûno, agîrîrwe nî gûtîîwa; nîke mûthamaki mûnene, ûrîa wathanaga nthî yonthe.

Thaburi 76:8

Nîwamenyithanirie îtuîro rîaku ûrî îgûrû; nthî nîyetigîrire na îgîkira,

Thaburi 89:2

Nîmbicî atî wendo waku nîûtûûra tene na tene, na wîvokeku waku wîkindîrîtie ta ûrîa îgûrû rîîkindîrîtie.

Thaburi 89:3

We Ngai nîwaugire atîrî, “Nînthondekete kîrîkanîro na mûndû ûrîa nthuurîte; nînîvîtîte kûrî Daudi, ndungata yakwa atî,

Thaburi 89:8

We Ngai-Mûnene, Ngai mwene vinya wonthe, nîûrîkû ûrî vinya tawe, We Ngai-Mûnene, ûrî mwîvokeku maûndûrî monthe.

Ntha 20:6

Nîmonanagia wendo ûtathiraga kûrî andû ngiri nyîngî arîa mamendete na megucaga maathani makwa.

Gûco 7:12

“Ethîrwa mûkegucaga maathani mama na mûmathîkagîre na kinyi, Ngai-Mûnene, Ngai wenyu akaavingagia kîrîkanîro gîake namue, na amwonagie wendo ûtathiraga wata ûrîa aarîkanîre na methe menyu.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.