Nehemia 1:3 - ÎVUKU RÎA ÛVORO MWARO

³ Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 1:3 Referencias Cruzadas

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Atha 25:10

Athigari onthe a Babuloni arîa maarî vamwe na Nebuzaradani mûnene wa athigari nîmoomomorire nthingo irîa ciathiûrûrûkîrîtie Jerusalemu.

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Ezira 2:1

Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

Ezira 5:8

“Mûthamaki wetû nîtûgûkûmenyithia atî nîtwathiîre vûrûrirî wa Juda na tûkîthiî hekarûrî ya Ngai ûrîa mûnene. Nîtwethîrîrie îgîtumagwa na mathiga manene mûno na mbaû nene cigîrîrîtwe nthingorî. Wîra ûyû nîûrarutwa ûmenyereretwe na kinyi na nîûrathiî na mbere waro.

Nehemia 11:3

Matûûrarî mau mengî ma andû a Isiraeli, athînjîri-Ngai, Alawi, aruti wîra a hekarû, na njiarwa cia ndungata cia Solomoni maatûûraga mîciîrî yao ene matûûrarî mao.

Nehemia 2:13

Ûtukû ûcio nîtwaumire îtûûrarî rîu rînene tûvîtûkîrîrîte mwena wa îthûîro kîvingorî kîrîa Kîamrî Kîamndarî. Nîtwathiîrîre kîthimarî Kîam Njûnamatu nginya kîvingorî kîrîa gîatecagwa gîko. Na wa nthiîte nînaroragia nthingo cia Jerusalemu irîa ciamomokangîte na ivingo irîa ciacûkangîtue nî mwaki.

Nehemia 2:17

Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Nehemia 2:3

na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Nehemia 7:6

Aya nîo andû arîa maacokire kuuma îthamîriorî vûrûrirî wa Babuloni. Wa mûndû aacokire îtûûrarî rîake rîa Jerusalemu na Juda. Njiarwa ciao ciatûûraga îthamîriorî kûrîa ciathamithîrîtue nî Nebukadinezarû mûthamaki wa Babuloni.

Esita 1:1

Ahasuerusi aarî mûthamaki wa vûrûri ûrîa waumîte India nginya Ethiopia îvinda rîa mîaka îgana rîa mîrongo îîrî na mûgwanja (127).

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Nthi 25:28

Mûndûmûrûme ûtangîvota kwînyitia arî na marakara, nîta îtûûra rîtharîkîrîtwe rîgatigwa rîtarî ririgîre.

Isaia 43:28

Kwoguo nînaagwatirie atongoria a varîa vatheru mûgiro. Nînarekererie Isiraeli macûkangue viû; na ngîtîkîria andû akwa marumwe.”

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Jeremia 52:14

Nao athigari ake a Akalidei nîmomorire nthingo cionthe cia îtûûra rîa Jerusalemu.

Maca 1:7

Vîndî îno Jerusalemu îrî nyomomoku nîîraririkana riiri ûrîa yarî naguo. Rîrîa rîagûîre njararî cia nthû ciarîo, nthû ciarîo nîciakenagîrîra kûgwa kwa rîo.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Maca 3:61

“We Ngai-Mûnene nîwîguîte makînjambia, nîwîcî mîvango yao mîcûku îgûrû rîakwa.

Maca 5:1

We Ngai-Mûnene, taririkana maûndû marîa twonete, taroria wone ûrîa tûnyararîtwe.

Alawi 26:31

Nîngaacûkangia matûûra menyu viû, njûkangie viû kûndû kûrîa mûgoocagîra na ndikaamûkîra magongoona menyu.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.