Mathaayo 4:9 - ÎVUKU RÎA ÛVORO MWARO

⁹ Nayo Ngoma îo nîyamwîrire atîrî, “Indo ino cionthe ûrona nîngûkûva, ethîrwa nîûkûndurîria maru ûngooce.”

Mathaayo 4:9 Referencias Cruzadas

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Nthi 8:15

Nîmvotithagia athamaki kwathana, na nîmvotithagia atongoria gûtunga watho ûrîa mwagîrîru.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Mathaayo 26:15

na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 13:3

Nake Jesû nîwaicî atî Îthe aarî mûmûveu vinya wa gwîka maûndû monthe. Nîwaicî atî ke aaumîte kûrî Ngai na aacokete kûrî Ngai.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 16:11

Mavîtîtie ûvororî wîgiî gûtuîra ciira nîûndû mûnene wa gûkû nthî nîarîkîtie gûtuîrwa.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”