Mathaayo 3:3 - ÎVUKU RÎA ÛVORO MWARO

³ Johana aarî mûndû ûrîa Mûrathi Isaia aaragia ûvoro wake rîrîa aaugire atîrî, “Kûrî na mûndû ûranîrîra arî werûrî akiugaga: ‘Thondekani njîra ya Mwathani, na mûrûngarie tûcîra twake!’ ”

Mathaayo 3:3 Referencias Cruzadas

Isaia 40:3

Kûrî na mûndû ûranîrîra arî werûrî akiugaga atîrî, “Thondekani varavara ya Ngai-Mûnene! Rûngariani njîra ya Ngai wetû werûrî!

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Maariko 1:3

Kûrî na mûndû ûranîrîra arî werûrî akiugaga atîrî, ‘Thondekani njîra ya Mwathani, na mûrûngarie tûcîra twake!’ ”

Luka 1:17

Nîakaathiî mbere ya Mwathani arî na Roho na vinya wata mûrathi Elija. Nîagaatûma methe mendane na ciana ciao; na acoke agarûre andû arîa aremi magîe na ûûgî wata wa andû arîa athingu na avarîrie andû nîguo meterere Mwathani.”

Luka 1:76

“Nawe mwana ûyû wakwa ûgeetagwa mûrathi wa Ngai Ûrîa Ûrî Îgûrû Mûno. Nîûkaathiî mbere ya Mwathani, kûmûthondekera njîra ciake.

Johana 1:23

Nake Johana nîwamacokerie na ciugo irîa mûrathi Isaia aaririe atî: “Nînie Mûgambo ûranîrîra werûrî ûkiugaga atîrî: ‘Rûngariani njîra ya Mwathani!’ ”