Mathaayo 26:3 - ÎVUKU RÎA ÛVORO MWARO

³ Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 26:3 Referencias Cruzadas

Thaburi 56:6

Maûnganaga vamwe methithîte, na magatuîria maûndû monthe marîa nîreka, makîenda kûmbûraga.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Mathaayo 26:69

Vîndî îo Petero ekarîte vau nja ya nyomba, mwîrîtu ûmwe warî ndungata ya mûnene wa athînjîri-Ngai nîwathiîre kûrî ke na akîmwîra atîrî, “Wa nawe mûrarî na Jesû wa Galili.”

Mathaayo 27:27

Nao athigari a Pilato nîmaacokire makîvira Jesû mûciî kwa mûnene wa Roma. Nayo mbûtû yonthe ya athigari nîyamûrigicîrie.

Maariko 14:54

Nake Petero nîwaumire Jesû vuva arî varaca na agîkinya nja ya nyomba ya Mûthînjîri-Ngai ûcio mûnene. Petero nîwekarire vau nja agîotaga mwaki arî vamwe na arangîri.

Maariko 14:66

Vîndî îrîa Petero aarî vau nja ya kîvaro, mwîrîtu ûmwe warî ndungata ya Mûthînjîri-Ngai mûnene nîwakinyire.

Maariko 15:16

Nao athigari nîmaavirire Jesû nyombarî ya mûnene na magîîta athigari arîa engî a mbûtû yao.

Luka 22:55

Nao athigari marîkia gwakia mwaki nja gatagatî, Petero nîwekarire nthî vamwe nao.

Luka 3:2

Nao Anasi na Kaiafa nîo maarî anene a athînjîri-Ngai. Vîndî îo, ndûmîrîri ya Ngai nîyakinyîre Johana mûvîcî wa Zakaria arî werûrî.

Johana 11:57

Nao anene a athînjîri-Ngai na Afarisai nîmaathanîte atî mûndû wa wonthe ûkaamenya kûrîa Jesû arî, athiî akamamenyithie nîguo mamûnyite.

Johana 18:24

Nake Anasi nîwacokire akîvecana Jesû arî mwove nîguo avirwe kûrî Kaiafa, Mûthînjîri-Ngai mûnene.

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.