Josh 9:13 - ÎVUKU RÎA ÛVORO MWARO

¹³ Rîrîa twekîrire ndivei mboororî, mbooro ciarî ino njerû na rîu nîndembûkangu. Nguo cietû na iratû wana cio itembûkangîte nîûndû nîtûthiîte rûgendo rûraca.”

Josh 9:13 Referencias Cruzadas

Mathaayo 9:17

Wana gûtirî mûndû wonoragîria ndivei ya kûvivwa warîo mboororî îno ngûrû, nîûndû mbooro îo nwa îtarûke na ndivei îgetîka na mbooro îgacûkanga. Ndivei ya kûvivwa warîo yonoragîrua mboororî îrîa njerû nîguo ndivei wa vamwe na mbooro itigacûke.”

Maariko 2:22

Wana gûtirî mûndû wonoragîria ndivei ya kûvivwa warîo mboororî îno ngûrû, nîûndû mbooro îo nwa îtarûrwe nî ndivei îo, na ndivei, wana mbooro ikaûra mana. Ndivei ya kûvivwa warîo yonoragîrua mboororî îno njerû.”

Luka 5:37

Wana gûtirî mûndû wonoragîria ndivei ya kûvivwa warîo mboororî îno ngûrû. Ndivei ya kûvivwa warîo nwa îtarûre mbooro îo na îgacoka îgeetîka na mbooro îo îkavaragana viû.

Gûco 29:5

Nie namûtongoririe werûrî îvinda rîa mîaka mîrongo îna, na mûtianathirîrwa nî nguo kana iratû.

Josh 9:12

Taroria mîgate yetû. Tûkiuma mûciî nîguo tûke tûcemanie namue yarî na ûrugarî. Nwatî rîu nîno mîûmû na nîmîgundu.

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.

Josh 9:4

na nîmaavangire mamûveenie. Nîmaathiîre na magîoca irio na magîciîkîra makuniarî matuîkangu na nîmeekîrire ndivei mboororî ino ngûrû na irî na iraka. Nîmaacokire magîkuuithia mvunda ciao mîrigo îo.

Josh 9:5

Nao nîmeekîrire nguo ciarî ndembûkangu na iratû ciarî nthiru na irî na iraka. Nayo mîgate îrîa maakuuire yarî mîûmû na yarî mîgundu.