Josh 9:11 - ÎVUKU RÎA ÛVORO MWARO

¹¹ Agibeoni acio nîmeerire Joshua atîrî, “Atongoria etû na andû arîa matûûraga vûrûrirî wetû nîmatwîrire tûkuue irio nîûndû wa rûgendo nîguo tûke tûcemanie namue. Matwîrire twaûka tûmûrie mwîtîkîre tûtuîke ndungata cienyu na mûthondeke kîrîkanîro natue.

Josh 9:11 Referencias Cruzadas

Kîam 43:12

Kuuani mbeca maita maîrî; mûthiî na mbeca irîa ciacokirue igîkîrwa nguniarî cienyu vîndî îrîa îngî, nîûndû nwa kwîthîrwa nîkwa kwagîîre na mavîtia.

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Luka 9:3

Nake Jesû nîwamerire atîrî, “Mûtigekuuîre kîndû wana kîrîkû rûgendorî rwenyu; mûtigakuue mûtiriî, mbooro, irio, mbeca wana kana nguo wana îmwe ya gûcenjia.

Josh 1:11

“Thiîni kûrîa kuonthe andû mambîte magema mûmeere atîrî, ‘Varîriani irio cienyu, nîûndû mîthenya îthatû yûkîte nîmûkaaringa rûnjî rûrû rwa Jorodani mûthiî mûkegwatîre vûrûri ûrîa Ngai-Mûnene, Ngai wenyu akaamûva.’ ”

Josh 9:10

Wana nîtwîguîte ûvoro wa maûndû marîa monthe eekire athamaki arîa aîrî a Amori arîa maarî mûringo wa Jorodani. Athamaki acio maarî: Sihoni mûthamaki wa Heshiboni na Ogu mûthamaki wa Bashani ûrîa watûûraga Ashitarothu.”

Josh 9:12

Taroria mîgate yetû. Tûkiuma mûciî nîguo tûke tûcemanie namue yarî na ûrugarî. Nwatî rîu nîno mîûmû na nîmîgundu.

Josh 9:8

Nao andû acio nîmeerire Joshua atîrî, “Tue tûrî ndungata ciaku.” Nake Joshua nîwacokire akîmaûria atîrî, “Mue mûrî a na muumîte kû?”