Josh 9:1 - ÎVUKU RÎA ÛVORO MWARO

¹ Ûvootani wa andû a Isiraeli nîwamenyirwe nî athamaki onthe arîa maarî mwena wa îthûîro wa Jorodani, mavûrûri marîa maarî irîmarî, ciandarî na arîa maarî rûtererî rwa îria rîa Mediterania nginya mwena wa rûgûrû wa Lebanoni. Acio onthe maarî: mûthamaki wa Ahiti, Amori, Akanaani, Aperizi, Ahivi na wa Jebusi.

Josh 9:1 Referencias Cruzadas

2Sam 24:7

Nîmaacokire makîthiî îtûûra rîrîa rîarî ririgîre rîa Turo na makîthiî matûûrarî monthe ma Ahivi na Aakanaani, na mûthiiarî nîmaathiîre mwena wa îveti wa Juda.

Ntha 23:23

Mûraika wakwa nîakaamûtongoria amûkinyie mavûrûrirî ma Amori, Ahiti, Aperizi, Akanaani, Ahivi, na Ajebusi nanie nîngaamathiria.

Ntha 23:31

Nîngekîra mîvaka ya vûrûri wenyu kuuma îriarî rîrîa Îtune nginyagia îria rîa Mediterania, na kuuma werûrî nginyagia rûnjîrî rwa Farati. Nîngaatûma mûvoote andû arîa matûûraga vûrûrirî ûcio, na nîmûkaamengata maume kuo.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 34:11

Athîkagîra watho ûrîa ngûkûnengera ûmûnthî. Na rîrî, wa ûrîa mûkethagîrwa mûkîthiî na mbere nwaguo ngengataga Amori, Akanaani, Ahiti, Aperizi, Ahivi na Ajebusi.

Ndari 13:29

Amaleki matûûraga Negebu. Nao Ahiti, Ajebusi, na Amori matûûraga vûrûri ûrîa ûrî irîma. Nao Akanaani matûûraga vakuvî na îria rîa Mediterania na ndeererî cia rûnjî rwa Jorodani.”

Ndari 34:6

“Mûvaka wenyu wa mwena wa îthûîro ûkeethîrwa ûrî îria rîa Mediterania.

Gûco 1:7

Ambûrani magema na mûthiî na mbere na rûgendo nginya mûkinye vûrûrirî ûrîa ûrî irîma wa Aamori, na icunjî cionthe irîa ithiûrûrûkîrrîtie vûrûri ûcio: na nîkuo Araba, vûrûri ûrîa ûrî irîma, nthî ya irîma, na Negebu. Mûthiîni vûrûrirî wa Kanaani na mûvîtûke irîma cia Lebanoni mûkinye rûnjîrî rûnene rwa Farati.

Gûco 3:25

Ngai-Mûnene, nakûthaitha ûmbîtîkîrie ninge rûnjî rwa Jorodani ngone vûrûri ûcio mwaro ûrî irîma nthaka na irîma cia Lebanoni.’

Gûco 4:49

vamwe na gîcunjî kîonthe Kîam mwena wa îrathîro wa rûnjî rwa Jorodani, nginya Îria Îtune mwena wa îveti nthî ya irîma cia Pisiga.

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Josh 1:15

nginya rîrîa megwatîre vûrûri ûrîa ûrî mwena wa îthûîro wa rûnjî rwa Jorodani. Vûrûri ûcio nîguo Ngai-Mûnene Ngai wenyu akûmava na marîkia kwîgwatîra vûrûri ûcio, namue nîmûgaacoka mûtûûre vûrûrirî ûrîa Musa ndungata ya Ngai aamûveere ûrîa ûrî mwena wa îrathîro rîa Jorodani ûtuîke wenyu.”

Josh 1:4

Mîvaka ya vûrûri wenyu îkethîrwa yumîte werûrî mwena wa îveti nginya mwena wa rûgûrû irîmarî cia Lebanoni. Na kuuma îriarî rîa Mediterania rîrîa rîrî mwena wa îthûîro nginya rûnjîrî rûrîa rûnene rwa Farati, ûvîtûkîrîrîte vûrûrirî wa Ahiti.

Josh 10:23

Kwoguo ngurunga nîyavingûrirwe. Nao athamaki arîa atano nîmaavirirwe kûrî Joshua. Athamaki acio maarî, mûthamaki wa Jerusalemu, mûthamaki wa Heburoni, mûthamaki wa Jarimuthi, mûthamaki wa Lakishi na mûthamaki wa Egiloni.

Josh 11:17

Joshua nîwanyitire na akîûraga athamaki onthe a mavûrûri mau kuuma kîrîmarî Kîam Halaku mwena wa îveti vakuvî na vûrûri wa Edomu nginya Baali-gadi mwena wa rûgûrû Kîamndarî Kîam Lebanoni mwena wa îveti wa kîrîma Kîam Herimoni.

Josh 13:5

Wana vûrûri wa Gebali, Lebanoni yonthe îrîa îrî mwena wa îrathîro kuuma Baali-gadi nthî ya kîrîma Kîam Herimoni kûthiî nginya mwanyarî wa Hamathi.

Josh 15:12

Îria rîa Mediterania nîrîo rîarî mûvaka wa vûrûri wa Juda na mwena wa îthûîro. Îo nîyo mîvaka ya vûrûri ûrîa wagaîrwe mbarî cia Juda.

Josh 22:4

Rîu Ngai-Mûnene, Ngai wenyu nîatûmîte andû enyu Aisiraeli matûûre marî na thayû wata ûrîa aameerîre. Kwoguo thiîni kwenyu mûciî vûrûrirî ûrîa watuîkire waku. Vûrûri ûcio nî ûrîa Musa ndungata ya Ngai-Mûnene aamûveere mûringo ûrîa wîngî wa rûnjî rwa Jorodani.

Josh 22:7

Musa nîwagaîrîte nuthu îmwe ya mûvîrîga wa Manase vûrûri wa Bashani, nwatî nuthu îo îngî ya mûvîrîga wa Manase aamaveere mwena wa îthûîro wa rûnjî rwa Jorodani vakuvî na aa mûrwang'ina. Na rîrîa Joshua aamarathimire na akîmeera mathiî kwao mîciî

Josh 23:4

Ririkanani nîngaîrîte mîvîrîga yenyu vûrûri ûrîa wonthe umîte rûnjîrî rwa Jorodani nginya mwena wa îthûîro îriarî rîa Mediterania ûtuîke wao. Nîmûvete vûrûri wa ndûrîrî irîa twavootire, wana vûrûri wa ndûrîrî irîa tûtavootete.

Josh 24:11

Nîmwaringire rûnjî rwa Jorodani na mûgîkinya Jeriko. Nao andû a Jeriko na Amori, Aperizi, Akanaani, Ahiti, Agirigashi, Ahivi na Ajebusi nîmaarûire namue. Nwatî nînaamûvotithirie kûmavoota onthe.

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Josh 3:17

Nao athînjîri-Ngai arîa maakuuîte îthandûkû rîa kîrîkanîro Kîam Ngai-Mûnene nîmeekarire marûngamîte gatagatî ka rûnjî rwa Jorodani kûrîa manjî maavûîte nginya rîrîa andû onthe a Isiraeli maaringire.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Josh 6:27

Kwoguo Ngai-Mûnene nîwethagîrwa arî vamwe na Joshua na ngumo ya Joshua nîyatambire kûndû kuonthe vûrûrirî.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”