Josh 8:8 - ÎVUKU RÎA ÛVORO MWARO

⁸ Mwarîkia kûnyita îtûûra rîu, nîmûkaarîmundia mwaki wata ûrîa Ngai-Mûnene amwathîte. Ûguo nîguo namwatha”

Josh 8:8 Referencias Cruzadas

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

Gûco 20:16

“Nwatî rîrîa mûkeegwatîra matûûra marîa marî vûrûrirî ûrîa Ngai-Mûnene Ngai wenyu akûmûva ûrî îgai rîenyu, mûkaaûraga kîndû wa kîonthe kîrî mwoyo kuo.

Josh 1:16

Nao nîmaacokerie Joshua atîrî, “Ûrîa wonthe watwatha twîke nîtûgwîka na kûrîa kuonthe ûngîtûtûma nîtûkûthiî.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Josh 6:24

Nîmaacokire makîvîvia îtûûra wana indo cionthe irîa ciarî kuo. Nwatî matiavîvia indo irîa ciarûthîtwe na sîlûva, thaavu, gîcango na cuuma. Indo icio ciaigirwe kîgînarî Kîam Ngai-Mûnene.

Josh 8:13

Athigari onthe nîmaaigîtwe mevarîrîtie kûrûa, gîkundi kîrîa kînene kîrî mwena wa rûgûrû wa îtûûra rîa Ai, nao acio engî marî mwena wa îthûîro. Ûtukû ûcio Joshua aararire Kîamndarî.

Josh 8:2

Mûgeeka îtûûra rîa Ai vamwe na mûthamaki warîo wata ûrîa mwekire îtûûra rîa Jeriko na mûthamaki warîo. Nwatî vîndî îno nwa mwîigîre indo irîa mûgaatava kuo na nyamû cia kûrîthia. Îîvarîrie kûtharîkîra îtûûra rîu wa rîmwe kuuma na mwena wa vuva.”

Josh 8:22

Nao Aisiraeli arîa maarî îtûûrarî nîmaanyûrûrûkire nîguo magatethanie na arîa engî. Kwoguo andû a Ai nîmaathiûrûrûkîrue nî andû a Isiraeli na onthe makîûragwa. Gûtirî mûndû watigarire onthe nîmaaûragirwe,

Josh 8:28

Joshua nîwavîvirie îtûûra rîa Ai na rîgîtigwa rîrî rîomomoku, na nwaguo rîtûûraga nginya ûmûnthî.

Josh 8:7

Namue nîmûkaauma kûrîa mûkethîrwa mwîthithîte, mûtharîkîre îtûûra na mûrînyite. Ngai-Mûnene, Ngai wenyu nîakaarîvecana kûrî mue.

Josh 8:9

Kwoguo Joshua nîwamatûmire, nao nîmaathiîre makîîthitha. Na nîmeekarire vo metererete marî gatagatî ka Ai na Betheli, Ai îrî mwena wa îthûîro. Nwatî Joshua aararire ûtukû ûcio kûrîa maambîte magema marî na andû acio engî.

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.